నక్సలిజం అణచివేతలో ఆంధ్రప్రదేశ్ భేష్: సిఎం రోశయ్య

హైదరాబాద్‌: నక్సలిజాన్ని నియంత్రించడంలో ఆంధ్రప్రదేశ్ ఇతర రాష్ట్రాలకు ఆదర్సంగా నిలించిందని ముఖ్యమంత్రి కె. రోశయ్యఅన్నారు. జాతీయ అభివృద్ధి మండలి సమావేశంలో ఆయన శనివారం మాట్లాడారు. అభివృద్ధి కార్యక్రమాలు మంచి ఫలితాలు ఇస్తున్నాయని ఆయన అన్నారు. 2004 - 08 మధ్య కాలంలో రాష్ట్ర అభివృద్ధి రేటు 6.8 శాతం నమోదైనట్లు ఆయన తెలిపారు.

ప్రపంచ ఆర్థిక మాంద్యం వల్ల రాష్ట్రం 20 వేల కోట్ల రూపాయల ఆదాయాన్ని నష్టపోయిందని ఆయన చెప్పారు. పోలవరం, ప్రాణహిత - చేవెళ్ల ప్రాజెక్టులకు జాతీయ హోదా కల్పించాలని, మన్నవరం ప్రాజెక్టుకు త్వరగా శంకుస్థాపన చేయాలని ఆయన ప్రధానిని కోరారు.