వైయస్ జగన్ మనస్తాపం: మీడియాకు దూరం

న్యూఢిల్లీ: తన వర్గానికి చెందిన శాసనసభ్యురాలు కొండా సురేఖ ఉదంతం కాంగ్రెసు కడప పార్లమెంటు సభ్యుడు వైయస్ జగన్ తీవ్ర మనస్తాపానికి గురైనట్లు సమాచారం. కొండా సురేఖకు పార్టీ నాయకత్వం షోకాజ్ నోటీసు ఇవ్వడంతో ఆయన తీవ్ర ఆవేదనకు గురైనట్లు చెబుతున్నారు. పార్టీ నాయకత్వం తీరుపై ఆయన ఆగ్రహంగా ఉన్నట్లు చెబుతున్నారు. దీనిపై మీడియాతో మాట్లాడేందుకు ఇష్టపడలేదు. ఆయన ఏ విధమైన వైఖరిని తీసుకోబోతున్నారనేది ఇప్పటికీ సస్పెన్స్ గానే ఉంది.

ఆయన గురువారం సాయంత్రం లేదా శుక్రవారంనాడు హైదరాబాదు తిరిగి వెళ్లే అవకాశం ఉంది. హైదరాబాదులో తన సన్నిహితులతో, శ్రేయోభిలాషులతో చర్చించి భవిష్యత్తు వ్యూహాన్ని ఖరారు చేసుకునే అవకాశం ఉంది. ఒక వైపు సురేఖ వివాదం రగులుతుండగానే అంబటి రాంబాబు మీడియా ప్రతినిధుల సమావేశం ఏర్పాటు చేసి ముఖ్యమంత్రి కె. రోశయ్యపై, పార్టీ నాయకత్వంపై తీవ్రంగా ధ్వజమెత్తారు. సురేఖ బహిరంగ లేఖ రాయబోతున్నట్లు జగన్ కు ముందు తెలియదని ఆయన సన్నిహితులు అంటున్నారు. కానీ, సురేఖ, అంబటి రాంబాబు ఏ పని చేసిన జగన్ వ్యూహంలో భాగంగానే జరుగుతోందనే అభిప్రాయం కచ్చితంగా ఏర్పడుతుంది.