నీలోఫర్ ఆస్పత్రి నుంచి ఆడ శిశువు మాయం

హైదరాబాద్: హైదరాబాదులోని నీలోఫర్ ఆస్పత్రి నుంచి ఓ ఆడపిల్ల మాయమైంది. గత అర్థరాత్రి అందరూ నిద్రించి ఉన్న సమయంలో నెల రోజుల పాపను గుర్తు తెలియని వ్యక్తులు ఎత్తుకెళ్లినట్లు అనుమానిస్తున్నారు. నల్లగొండ జిల్లాకు చెందిన లక్షి, శ్రీనివాస్ దంపతులు పాపను చికిత్స నిమిత్తం ఆస్పత్రిలో చేర్చారు. పాప మాయంతో వారు కన్నీరు మున్నీరవుతున్నారు. పోలీసులకు ఫిర్యాదు చేశారు.

పాపను ఎత్తుకెళ్లినవారిని పట్టుకునేందుకు పోలీసులు ఐదు ప్రత్యేక బృందాలను ఏర్పాటు చేశారు. విస్తృతంగా గాలింపు చర్యలు చేపట్టారు. సెక్యూరిటీ వైఫల్యం వల్లనే ఈ సంఘటన జరిగినట్లు ఆరోపణలు వినిపిస్తున్నాయి. గతంలో కూడా నీలోఫర్ ఆస్పత్రి నుంచి పిల్లలు మాయమైన సంఘటనలు చోటు చేసుకున్నాయి.