వైయస్ కు ఇడుపులపాయలో వైయస్ జగన్, విజయమ్మ నివాళి

కడప: దివంగత నేత వైయస్ రాజశేఖర రెడ్డికి ఆయన సతీమణి, శాసనసభ్యురాలు విజయలక్ష్మి, కుమారుడు వైయస్ జగన్ గురువారం ఇడుపులపాయలో నివాళులు అర్పించారు. ఈ సందర్భంలో విజయమ్మ కంట తడి పెట్టారు. కూతురు షర్మిళతో కలిసి విజయమ్మ ఇడుపులపాయలో వైయస్ ఘాట్ కు చేరుకున్నారు. వైయస్ జగన్ సతీమణి భారతి, ఎమ్మెల్సీ వైయస్ వివేకానంద రెడ్డి సతీమణి సౌభాగ్యమ్మ, వైయస్ కుటుంబ సభ్యులు ఈ నివాళి కార్యక్రమంలో పాల్గొన్నారు.

మదనపల్లి ఎమ్మెల్యే షాజహాన్, సినీ హీరో మంచు విష్ణు దంపతులు, శాసనసభ్యురాలు కొండా సురేఖ దంపతులు ఇడుపులపాయలో వైయస్ రాజశేఖర రెడ్డికి నివాళులు అర్పించారు. వైయస్ ప్రియమిత్రుడు, రాజ్యసభ సభ్యుడు కెవిపి రామచందర్ రావు తన సతీమణితో కలిసి వచ్చి ఇడుపులపాయలో వైయస్ కు నివాళి అర్పించారు.