ప్రియుడి మోజులో కన్నబిడ్డను హత్య చేసిన కసాయి మహిళ

ఆదిలాబాద్: ప్రియుడి మోజులో పడిన మహిళ తన కన్నబిడ్డనే కబళించిన దారుణ సంఘటన కలకలం సృష్టించింది. ఈ సంఘటన ఆదిలాబాద్ జిల్లాలోని ఉట్నూరులోని శాంతినగర్ లో జరిగింది. వివాహేతర సంబంధం కారణంగా గర్భం దాల్చిన మహిళ శిశువును కన్నది. అయితే, ఎవరి కంట పడకుండా కన్నబిడ్డను ఆ తల్లి గొంతు నులిమి చంపేసింది. ఆస్పత్రి అధికారులు పోలీసులకు ఫిర్యాదు చేశారు.

పోలీసులను ఆ మహిళను ప్రశ్నించారు. పురుటిలోనే బిడ్డ చనిపోయిందని ఆ మహిళ తొలుత బుకాయించింది. అయితే, చివరకు పోలీసుల వద్ద తన నేరాన్ని అంగీకరించింది. ఆమె ప్రియుడు మాత్రం పరారీలో ఉన్నాడు. శిశువును చంపిన మహిళపై స్థానికంగా తీవ్ర ఆగ్రహం వ్యక్తమవుతోంది. ప్రజలు పెద్ద యెత్తున ఆస్పత్రికి తరలి వస్తున్నారు.