రాయల్ అనిల్ కుంబ్లేపై మహేంద్ర సింగ్ ధోనీ సూపర్ విజయం

దర్బన్: ఐపీఎల్-3 విజేత చెన్నై సూపర్‌కింగ్స్ చాంపియన్‌లీగ్‌లోనూ తన సత్తా చాటింది. సురేష్ రైనా రెచ్చిపోవడంతో చెన్నైకి తిరుగులేకపోయింది. సాటి ఐపీఎల్ టీం బెంగుళూరు రాయల్ ఛాలెంజర్స్‌తో శుక్రవారమిక్కడ జరిగిన సెమిస్ మ్యాచ్‌లో సూపర్‌కింగ్స్ 52 పరుగుల తేడాతో ఘనవిజయం సాధించింది. వీర విజృంభణతో రైనా విశ్వరూపం చూపడంతో మొదట బ్యాటింగ్ చెన్నై 174 పరుగులు చేసింది. ఆకాశమే హద్దన్నట్లు చెలరేగిపోయిన రైనా భారీషాట్లతో విరుచుకపడ్డాడు. 5 ఫోర్లు, ఆరు సిక్సర్లతో 48 బంతుల్లోనే 94 పరుగులు చేసి సూపర్‌కింగ్స్‌కు భారీస్కోరును అందించాడు. రైనాకి అండగా నిలబడిన మురళీ విజయ్ 41 పరుగులు చేశాడు.

వర్షం కారణంగా 17 ఓవర్లకు కుదించడంతో సూపర్‌కింగ్స్ స్కోరు 174 వద్ద ఆగింది. చెన్నై నిర్ణీత 20 ఓవర్లు ఆడివుంటే రెండు వందల స్కోరు దాటి వుండే ది. సూపర్ ఆటతీరుతో చెలరేగిన రైనా సెంచరీ పూర్తి చేశావాడు. భారీ లక్ష్యంతో బరిలోకి దిగిన బెంగుళూరు దీటుగా బదులివ్వలేక చతికిలపడింది. మనీష్ పాండే మినహా అందరూ కట్టకట్టుకొని విఫలమవ్వడంతో 16.2 123 పరుగులకు ఆలౌట్ అయింది. ఒంటరి పోరాటం చేసిన పాండే 55 పరుగులు చేశాడు.