సోనియా గాంధీ దర్శనం ముఖ్యమంత్రి రోశయ్య పడిగాపులు

న్యూ ఢిల్లీ: అంధ్రప్రదేశ్ ముఖ్యమంత్రి కొణిజేటి రోశయ్య ఏఐసిసి అధ్యక్షురాలు సోనియాగాంధీ దర్శనం కోసం నిరీక్షిస్తున్నారు. మంత్రివర్గ విస్తరణ, ప్రభుత్వ విషయాలపై సోనియాగాంధీతో చర్చించడానికి ఆయన వెళ్లారు. ఆదివారం సాయంత్రం ఢిల్లీ వచ్చిన రోశయ్యకు సోమవారం ఉదయం వరకు సోనియా అపాయింట్ మెంట్ దొరకలేదు. దీంతో ఆయన అక్కడే ఆమె దర్శనం కోసం వేచి చూస్తున్నారు.

ఎన్నికల తర్వాత ఇప్పటి వరకు పలు కారణాలవల్ల మంత్రివర్గ విస్తరణ లేకపోవటం, కొందరు మంత్రులు, ఎమ్మెల్యేలు అధిష్టానానికి, రోశయ్యకు వ్యతిరేకంగా మాట్లాడటం, జగన్ ఓదార్పు తదితర విషయాలు ఆయన సోనియాగాంధీతో చర్చించడానికి ఢిల్లీ వచ్చారు. ఆదివారం ఢిల్లీ బయలు దేరే ముందు ఆయన రాజ్యసభ సభ్యుడు కె.వి.పి.రామచంద్రారావుతో అర్ధగంటకుపైగా సమావేశమయ్యారు. దీంతో మంత్రివర్గ విస్తరణ ఖాయమన్న విషయం చూచాయగా తెలుస్తోంది.