విమర్శించటం మా అభిమతం కాదు: చంద్రబాబు నాయుడు

హైదరాబాద్: ప్రభుత్వాన్ని విమర్శించటం మా అభిమతం కాదని అయితే ప్రభుత్వం ప్రజలకు సరియైన సహాయ సహకారాలు, చేయూతను అందించలేకపోవటం వల్లనే తాము ప్రభుత్వాన్ని ప్రశ్నిస్తున్నామని తెలుగు దేశం పార్టీ అధ్యక్షుడు, మాజీ ముఖ్యమంత్రి చంద్రబాబునాయుడు అన్నారు. గత తుఫాను బాధితులను ఇప్పటి వరకు ఆదుకోని ప్రభుత్వం ఉదాసీనతే ప్రజల సమస్యల పట్ల ఉన్న చిత్తశుద్ధిని తెలియజేస్తుందన్నారు. ప్రభుత్వం బాధితుల్ని పార్టీలకతీతంగా ఆదుకోవాలని సూచించారు.

రేపు రాబోయే తుఫానును ఎదుర్కొనేందుకు కేంద్ర, రాష్ట్ర ప్రభుత్వాలు తగిన చర్యలు తీసుకోవాలని కోరారు. ఇప్పటీకే వాతావరణ శాఖ పెను తుఫాను వచ్చే అవకాశాలు ఉండవచ్చన్న అభిప్రాయాన్ని వ్యక్తం చేసిందని గుర్తు చేశారు. తుఫాను బాధితుల్ని ఎన్టీఆర్ ట్రస్టు భవన్ తరఫున ఆదుకుంటామని హామీ ఇచ్చారు. కాగా రంగారెడ్డి జిల్లాలో మూడో రోజు చంద్రబాబునాయుడు పర్యటిస్తున్నారు.