గ్రేటర్ రాయలసీమ సేవాదళ్ ను ఏర్పాటు చేసిన టిజి వెంకటేష్

కర్నూలు: గ్రేటర్ హైదరాబాదులోని సీమాంధ్ర ప్రజలను రక్షించడానికి కాంగ్రెసు కర్నూలు శాసనసభ్యుడు టిజి వెంకటేష్ గ్రేటర్ రాయలసీమ సేవాదళ్ ను ఏర్పాటు చేశారు. 3 వేల మందితో ఆయన ఆదివారం ఈ దళ్ ను ఏర్పాటు చేశారు. ఈ సందర్భంగా టిజి వెంకటేష్ వారితో ప్రతిజ్ఞ చేయిస్తారు. సీమాంధ్ర ప్రజలు హైదరాబాదులోనూ, తెలంగాణలోని ఇతర ప్రాంతాల్లోనూ భయంతో, అభద్రతతో జీవిస్తున్నారని, వారికి సహాయం అందించడానికే ఈ దళ్ ను ఏర్పాటు చేశామని, వారిలో భయాలు తొలగిస్తుందని టిజి వెంకటేష్ వివరించారు.

మరో రెండు వారాల్లో మరో ఏడు వేల మంది సేవాదళ్ లో చేరుతారని ఆయన చెప్పారు. సీమాంధ్ర ప్రజలను బెదిరించే తెలంగాణవాదుల చేతులను ఈ సేవాదళ్ తెగ నరుకుతుందని ఆయన అన్నారు. నాలుకలను తెగ కోస్తుందని ఆయన అన్నారు. సీమాంధ్ర ప్రజలపై దాడులు చేస్తే చేతులు ముడుచుకుని కూర్చోబోమని ఆయన అన్నారు.