కొడుకును బండకేసి బాది, కిరోసిన్ పోసి కాల్చి చంపిన తండ్రి

నిజామాబాద్: తన కన్న కొడుకును అతి కిరాకతంగా చంపిన తండ్రి ఉదంతం నిజామాబాద్ జిల్లా బాడ్సి గ్రామంలో జరిగింది. సోమవారం అర్ధరాత్రి దాటిన తర్వాత బాడ్సి గ్రామానికి చెందిన నారాయణ తన 11 నెలల కొడుకును బండకేసి బాది, ఆ తర్వాత అతని ఒంటిపై కిరోసిన్ పోసి నిప్పంటించి చంపాడు. ఈ సంఘటన గ్రామంలో తీవ్ర కలకలం రేపింది. తాగిన మైకంలో నారాయణ ఈ ఘాతుకానికి పాల్పడినట్లు తెలుస్తోంది.

భార్య సావిత్రితో తాగి వచ్చి నారాయణ నిత్యం గొడవ పడుతూ వస్తున్నాడు. రాత్రి కూడా భార్యాభర్తలు గొడవ పడ్డారు. ఈ గొడవతో భయపడిన సావిత్రి ఇంటి నుంచి పారిపోయింది. ఆ సమయంలో నారాయణ కుమారుడిని హత్య చేశాడు. నిందితుడు తన నేరాన్ని అంగీకరించాడు. పోలీసులు నారాయణను అదుపులోకి తీసుకున్నారు.