• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

బాలయ్యపై కామెంట్స్ పై తీవ్ర వ్యాఖ్యలు: ఏడ్చేసిన లక్ష్మీపార్వతి

By Pratap
|
Balakrishna
హైదరాబాద్: కాంగ్రెసు పార్లమెంటు సభ్యుడు వైయస్ జగన్ ఓదార్పు యాత్ర ముగింపు సభలో సినీ నటుడు బాలయ్యపై చేసిన వ్యాఖ్యలకు స్వర్గీయ ఎన్టీ రామారావు సతీమణి లక్ష్మీపార్వతి తీవ్ర ఇరకాటంలో పడ్డారు. జగన్ కు మద్దతు తెలిపిన లక్ష్మీపార్వతిని ఐరన్ లెగ్ గా తెలుగుదేశం నాయకుడు సోమిరెడ్డి చంద్రమోహన్ రెడ్డి వ్యాఖ్యానించారు. ఈ వివాదంపై ఓ తెలుగు టీవీ చానెల్ చర్చా కార్యక్రమాన్ని నిర్వహించింది. ఈ కార్యక్రమంలో లక్ష్మీపార్వతితో పాటు సోమిరెడ్డి చంద్రమోహన్ రెడ్డి కూడా పాల్గొన్నారు. వారిద్దరి మధ్య తీవ్ర వాగ్వివాదం చెలరేగింది. వైయస్ జగన్ ఓదార్పు సభలో కుమారులు ఎన్టీఆర్ కు తిండి కూడా పెట్టలేదని లక్ష్మీపార్వతి చేసిన వ్యాఖ్యను సోమిరెడ్డి చంద్రమోహన్ రెడ్డి పట్టుకుని తెగ లాగారు. తాను అలా అనలేదని లక్ష్మీపార్వతి నమ్మించే ప్రయత్నం చేశారు.

ఎన్టీఆర్ తలుచుకుంటే ఎంతటివారైనా, ఎంతమందైనా వచ్చి వాలేవారని ఆమె చెప్పారు. అటువంటి సందర్బంలో కుమారులు ఎన్టీఆర్ కు తిండి కూడా పెట్టలేదని ఎలా అంటానని ఆమె అన్నా సోమిరెడ్డి చంద్రమోహన్ వినలేదు. ఎన్టీఆర్ కుమారులపై ఆరోపణలు చేయడానికి వైయస్ జగన్ డబ్బులిచ్చారని ఆయన లక్ష్మీపార్వతిపై ఆరోపణ చేశారు. చంద్రమోహన్ రెడ్డి టార్గెట్ చేసి తీవ్ర వ్యాఖ్యలు చేయడం మొదలు పెట్టడంతో లక్ష్మీపార్వతి ఏడ్చేసినంత పని చేశారు. ఇక నుంచి ఎన్టీఆర్ కుమారులపై గానీ మీలాంటి నాయకులపై గానీ తాను విమర్శంచబోనని లక్ష్మీపార్వతి ఓ రాజీ ఫార్ములాను ముందు పెట్టారు. మరింతగా ఇబ్బంది పడే స్థితి నుంచి బయటపడడానికి ఆమె ఈ రాజీ ఫార్ములాను ముందుకు తెచ్చారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X