నెహ్రూకి ముఖ్యమంత్రి రోశయ్య, ఏఐసిసి నేత దిగ్విజయ్ నివాళులు

హైదరాబాద్: నవంబర్ 14 దివంగత భారతదేశపు మొట్టమొదటి ప్రధాని జయంతి, బాలల దినోత్సవం సందర్భంగా ముఖ్యమంత్రి కొణిజేటి రోశయ్య, ఏఐసిసి నాయకుడు దిగ్విజయ్ సింగ్ అబిడ్స్‌లోని పండిట్ నెహ్రూ విగ్రహానికి పూలమాలలు వేసి ఘనంగా నివాళులు అర్పించారు. ఉదయం పదిన్నర గంటలకు ఇక్కడకు చేరుకున్న సీఎం నెహ్రూ విగ్రహం ముంగిట బెలూన్లను, పావురాళ్ళను ఎగురవేశారు.

ముఖ్యమంత్రితోపాటు కాంగ్రెస్ సీనియర్ నాయకులు వి.హనుమంత రావు, ఉప్పునూతల పురుషోత్తంరెడ్డి, నగర మేయర్ బండ కార్తీకరెడ్డి, గంగాభవానీ తదితరులు ఉన్నారు.ఈ సందర్భంగా రోశయ్య, దిగ్విజయ్ లు నెహ్రూ భారతదేశానికి మొదటి ప్రధానమంత్రిగా చేసిన చర్యలను కొనియాడారు. నెహ్రూ ముందుచూపుతో వ్యవహరించి కొన్ని విషయాలను పరిష్కరించారని చెప్పారు. పిసిసి అధ్యక్షుడు డి.శ్రీనివాస కూడా నెహ్రూకు వినతి పత్రం అందించారు.