• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెలంగాణకు ఆంధ్రా వైరస్ సోకింది: కె చంద్రశేఖర రావు

By Pratap
|
K Chandrasekhar Rao
హైదరాబాద్: గత 54 ఏళ్లుగా తెలంగాణకు ఏ మందుకూ లొంగని ఆంధ్రా వైరస్‌ సోకిందని తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు వ్యాఖ్యానించారు. ఆ వైరస్‌ తెలంగాణ నేతలను కూడా ఒకటిగా ఉండనీయటం లేదని, విభజించి పాలిస్తోందని అన్నారు. దీనిని వదిలించు కోవడానికి శస్త్రచికిత్సే మార్గమని చెప్పారు. శస్త్రచికిత్స సురక్షితంగా చేస్తామని అంటున్నా అవతలిపక్షం ఒప్పుకోవడం లేదని, మొరటుగా విడదీయక తప్పేట్లు లేదని అన్నారు. ఆదివారం తెలంగాణ ప్రభుత్వ వైద్యుల సంఘ సమావేశంలో ఆయన మాట్లాడారు. సమైక్యాంధ్రలో తెలంగాణ ప్రజల సమస్యలకు పరిష్కారం దొరుకుతుందని ఆశించడం కుక్కతోక పట్టుకొని గోదారి ఈదడమేనని ఎద్దేవా చేశారు. తెలంగాణతో ముడిపడిన అన్ని సమస్యలకు ప్రత్యేక రాష్ట్రం ఒక్కటే పరిష్కారమని చెప్పారు.

"హెల్త్‌ యూనివర్సిటీ ఏం ఖర్మ...ఎన్ని యూనివర్సిటీలైనా పెట్టుకుందాం" అన్నారు. ఉద్యమం చివరిదశలో ఉందని, తెలంగాణ వాదులంతా ఒక్కటై పిడికిలి బిగించి పోరాడాలని పిలుపునిచ్చారు. ఐక్యమత్యమే శ్రీరామ రక్ష అన్నారు. తెలంగాణ వస్తే తిరిగి మిగులు బడ్జెట్లోకి వస్తామని, ఉద్యోగులకు కేంద్ర ప్రభుత్వంతో సమానంగా వేతన స్కేళ్లు అమలు చేస్తామని ప్రకటించారు. తెలంగాణ వస్తే భూముల ధరలు తగ్గుతాయన్న ప్రచారాన్ని ఖండించారు. 125 కిలోమీటర్ల మేర అంతా ఆశ్చర్యపోయే రీతిలో హైదరాబాద్‌ను అద్భుతంగా తీర్చిదిద్దుతామన్నారు. మరో 'రీయో డీ జనీరో'గా మారుస్తామని చెప్పారు.

తెలంగాణ సమస్యల పట్ల తెలంగాణ శాసన సభ్యులకు చిత్తశుద్ధి లేదని కెసిఆర్ ఆరోపించారు. సమస్యలు పరిష్కరిస్తావా... గోచి గుంజమంటావా అని రోశయ్యను ఏనాడైనా నిలదీశారా? అని ప్రశ్నించారు. వైద్యులే బాధ్యత తీసుకొని, వైద్యానికి వచ్చే ప్రజలను కౌన్సిలింగ్‌ చేయాలని సూచించారు. 54 ఏళ్ల ఉద్యమంలో మొదటిసారి కేంద్రం దిగివచ్చి తెలంగాణ ప్రకటిస్తే ఆ సంతోషం 24 గంటలు కూడా దక్కనీయలేదని విమర్శించారు. ఆంధ్రా జీవులన్నీ ఒక్కటై బ్లాక్‌ మెయిల్‌ రాజకీయాలతో అడ్డుకున్నాయని ఆరోపించారు. భేషజాలు విడిచి పెట్టి జానారెడ్డి ఇంటికెళ్లి ఐకాస ఏర్పాటు చేశామని, రాజీనామాలు చేస్తామని శవాలమీద ప్రమాణం చేశామని, ఆంధ్రా నాయకుల అడుగులకు మడుగులొత్తి కొందరు వెనక్కి తగ్గారని వ్యాఖ్యానించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X