సాక్షికి వ్యతిరేకంగా రవీంధ్ర భారతి ఎదుట యువ కాంగ్రెసు ధర్నా

హైదరాబాద్: కడప పార్లమెంటు సభ్యుడు వైయస్ జగన్మోహన్ రెడ్డికి సంబంధించిన సాక్షి పత్రికలో ఏఐసిసి అధ్యక్షురాలు సోనియాగాంధీకి వ్యతిరేకంగా వార్తలు ప్రసారం చేయటం పట్ల యూత్ కాంగ్రెసు నాయకులు ఆగ్రహం వ్యక్తం చేశారు. మంగళవారం హైదరాబాదులోని రవీంధ్ర భారతి ముందు వారు మంగళవారం సాయంత్రం ధర్నా, రాస్తారోకో నిర్వహించారు. సాక్షికి వ్యతిరేకంగా, కాంగ్రెసు కు అనుకూలంగా నినాదాలు చేశారు. ధర్నాకు భారీ ఎత్తున కాంగ్రెసు కార్యకర్తలు తరలివచ్చారు. ప్రభుత్వం భారీగా పోలీసులను మోహరించింది.

తమ అధినేత్రి సోనియాగాంధీని ఉద్దేశ్యపూర్వకంగానే సాక్షి విమర్శిస్తుందని వారు ఆరోపించారు. సోనియాను విమర్శిస్తే ఊరుకునేది లేదని వారు హెచ్చరించారు. కాంగ్రెసు పార్టీ వల్లనే ఎదిగిన వ్యక్తులు అదే కాంగ్రెసు ను విమర్శించటం దురదృష్టకరమన్నారు. వారు అసెంబ్లీవైపు చొచ్చుకు పోవడానికి ప్రయత్నించారు పోలీసులు వారి ప్రయత్నాలను అడ్డుకున్నారు. రాహుల్ గాంధీ జిందాబాద్, సాక్షి డౌన్ డౌన్ అంటూ నినాదాలు చేశారు.