ముఖ్యమంత్రిని నేనే అంటున్న కేంద్ర మంత్రి ఎస్ జైపాల్ రెడ్డి

న్యూఢిల్లీ: రాష్ట్ర కొత్త ముఖ్యమంత్రిని తానేనని కేంద్ర మంత్రి ఎస్ జైపాల్ రెడ్డి చెప్పుకుంటున్నట్లు వార్తలు వస్తున్నాయి. తానే ముఖ్యమంత్రిని అవుతున్నట్లు జెపాల్ రెడ్డి తన సన్నిహితుల వద్ద చెప్పినట్లు ప్రచారం జరుగుతోంది. ఈ నేపథ్యంలో కాంగ్రెసు తెలంగాణ పార్లమెంటు సభ్యులు సమావేశమై పరిస్థితిపై చర్చించారు. పార్లమెంటు సభ్యుడు వివేక్ నివాసంలో వారు సమావేశమయ్యారు. ముఖ్యమంత్రి మార్పు తెలంగాణ రాష్ట్ర ఏర్పాటుకు ప్రతికూలంగా ఉంటుందా, అనుకూలంగా ఉంటుందా అనే ఉత్కంఠ వారిలో నెలకొని ఉన్నట్లు తెలుస్తోంది.

కాగా, ముఖ్యమంత్రి పదవికి రేసులో శాసనసభ స్పీకర్ కె. కిరణ్ కుమార్ రెడ్డి మొదటి స్థానంలో ఉన్నట్లు ప్రచారం జరుగుతోంది. రెండో పేరు జైపాల్ రెడ్డి పేరు వినిపిస్తోంది. మరో కేంద్ర మంత్రి పల్లంరాజు పేరు కూడా అకస్మాత్తుగా తెర మీదికి వచ్చింది. మంత్రులు గీతారెడ్డి, బొత్స సత్యనారాయణ, కాంగ్రెసు సీనియర్ శాసనసభ్యుడు కె. జానారెడ్డి పేర్లు వినిపిస్తున్నాయి.