గుంటూరు జిల్లా నిజాంపట్నంలో పడవ బోల్తా: ముగ్గురి మృతి

గుంటూరు: గుంటూరు జిల్లాలో ఘోర ప్రమాదం జరిగింది. నిజాంపట్నం ఓడ రేవులో విహారయాత్రకు బయలుదేరిన ఉపాధ్యాయుల బోటు బోల్తా పడి పోవటంతో ఈ విషాదం చోటు చేసుకుంది. బోటులో 37 మంది ఉన్నారు. అందులో 34 మంది సురక్షితంగా బయటపడ్డారు. మిగిలిన ముగ్గురు మృతి చెందినట్లు సమాచారం. రెండు శవాలు దొరికాయి. అందులో ఒకటి విజయలక్ష్మిది అనే మహిళగా గుర్తించారు.

అయితే బోటు మునక ఒడ్డుకు దగ్గరగా ఉండటంతో 34మంది రక్షించబడ్డారు. పడవ మునకను గుర్తించిన స్థానిక జాలర్లు వెంటనే సముద్రంలోకి దూకి వారిని రక్షించారు. గజ ఈతగాళ్లు సైతం రక్షించడానికి సైతం వారిని రక్షించారు. సముద్రానికి సమీపంగా పడవ ప్రమాదం జరగడంతో చాలా మంది సురక్షితంగా బయటపడగలిగారు.