బొత్స సత్యనారాయణతో కె. జానా రెడ్డి చర్చలు విఫలం

హైదరాబాద్‌: అసంతృప్తికి గురైన మంత్రి బొత్స సత్యనారాయణతో పంచాయతీరాజ్ మంత్రి కె. జానా రెడ్డి చర్చలు విఫలమయ్యాయి. సయోధ్యను కుదర్చడానికి ఆయన చేసిన ప్రయత్నాలు ఫలించలేదు. ముఖ్యమంత్రి కిరణ్ కుమార్ రెడ్డిపై బొత్స సత్యనారాయణ తీవ్ర వ్యాఖ్యలు చేసినట్లు సమాచారం. అసంతృప్తికి గురైన మంత్రులను బుజ్జగించడానికి ముఖ్యమంత్రి కిరణ్ కుమార్ రెడ్డి దూతగా కె. జానారెడ్డి రంగంలోకి దిగారు. ఉప ముఖ్యమంత్రి పదవి ఇస్తామని చెప్పి ముఖ్యమంత్రి ఎందుకు ప్రకటించలేదో చెప్పాలని బొత్స సత్యనారాయణ నిలదీసినట్లు సమాచారం. ప్రాధాన్యం లేని రవాణా శాఖ ఇవ్వడంతో బొత్స సత్యనారాయణ తీవ్ర అసంతృప్తికి గురయ్యారు.

కాగా, ధర్మాన ప్రసాద రావు, రాంరెడ్డి వెంకటరెడ్డిలతో జానా రెడ్డి చేసిన చర్చలు కూడా విఫలమైనట్లు సమాచారం. గురువారం ఉదయం ముఖ్యమంత్రి కిరణ్ కుమార్ రెడ్డిని కలిసి తీవ్ర అసంతృప్తి వ్యక్తం చేసి వెళ్లిపోయిన రాంరెడ్డి వెంకటరెడ్డి ఇంటికే పరిమితమయ్యారు. కాగా, బొత్స సత్యనారాయణతో సోనియా రాజకీయ సలహాదారు అహ్మద్ పటేల్ కూడా మాట్లాడారు. అయితే, శాఖ మార్పుపై స్పష్టమైన హామీ ఇస్తే తప్ప తాను మంత్రివర్గ సమావేశానికి వచ్చేది లేదని బొత్స సత్యనారాయణ చెప్పిటన్లు తెలుస్తోంది.