మూడున్నరేళ్లలో అంతా జగన్ వెంట వచ్చేవారే: పిల్లి సుభాష్ చంద్రబోసు

విజయవాడ: మాజీ పార్లమెంట సభ్యుడు, దివంగత ముఖ్యమంత్రి వైయస్ రాజశేఖరరెడ్డి తనయుడు వైయస్ జగన్మోహన్ రెడ్డి అధికారం కోసం కార్యక్రమాలు చేపట్టడం లేదని మాజీ మంత్రి పిల్లి సుభాష్ చంద్రబోసు బుధవారం విజయవాడలో అన్నారు. ఇప్పుడు కాంగ్రెసు లో ఉన్న నాయకులంతా తర్వాత మూడున్నర సంవత్సకాలలో జగన్ వెంట వచ్చేవారేనని చెప్పారు. మా రాజీనామా విషయం మరికొద్ది రోజుల్లో తేలుతుందని ఆయన చెప్పారు.

పంట నష్టపోయిన రైతులను పరామర్షించడానికి వైయస్ జగన్ పర్యటన చేపట్టిన విషయం తెలిసిందే. గత నాలుగు రోజులుగా ఆయన గుంటూరు, కృష్ణా జిల్లాల నుండి ఆయన పర్యటన ప్రారంభించారు. మంగళవారం నుండి తూర్పుగోదావరిలో పర్యటిస్తున్నారు. జగన్ చేస్తున్న ఈ పర్యటనలో ఆయన వెంట పిల్లి సుభాష్ చంద్రబోసు కూడా ఉన్నారు.