రైతులకు మేలు చేయడంలో రాజీ పడబోం: సిఎం కిరణ్ కుమార్

న్యూఢిల్లీ/ హైదరాబాద్‌: రైతులకు సహాయం అందించడంలో రాజీ పడేది లేదని ముఖ్యమంత్రి ఎన్. కిరణ్ కుమార్ రెడ్డి ఢిల్లీలో అన్నారు. తాము రైతు సంక్షేమానికి కట్టుబడి ఉన్నామని ఆయన సోమవారం ఢిల్లీలో చెప్పారు. రైతుల ధాన్యం కొనుగోలుకు మరిన్ని కేంద్రాలను తెరుస్తామని ఆయన చెప్పారు. రైతులకు అండగా ఉంటామని, రైతులను ఆదుకుంటామని ఆయన చెప్పారు. దేశంలో ఏ రాష్ట్రం కూడా ఇవ్వని ప్యాకేజీని మన రాష్ట్రం ప్రభుత్వం రైతులకు ఇచ్చిందని ఆయన చెప్పారు.

తెలుగుదేశం పార్టీ అధ్యక్షుడు చంద్రబాబునాయుడు తన దీక్ష విరమించాలని మంత్రి శ్రీధర్‌బాబు విజ్ఞప్తి చేశారు. ఆయన దీక్షవీడి ప్రభుత్వ ప్యాకేజి అమలుకు సలహాలు, సూచనలు ఇవ్వాలని ఆయన హైదరాబాదులో కోరారు. ఆయన సలహాలు తప్పక గౌరవించి ప్రభుత్వం అమలుచేస్తుందన్నారు.