డిఎల్ రవీంద్రారెడ్డి విమర్శకు సాక్షి టీవీ చానెల్ సమాధానం

హైదరాబాద్‌: మాజీ పార్లమెంటు సభ్యుడు వైయస్ జగన్ రైతు సమస్యల కోసం చేస్తున్న లక్ష్యదీక్షలో ఒక్క రైతు కూడా లేడని రాష్ట్ర మంత్రి డిఎల్ రవీంద్రారెడ్డి చేసిన విమర్శకు సమాధానం చెప్పే పనిలో సాక్షి టీవీ చానెల్ పడింది. విజయవాడలోని వైయస్సార్ ప్రాంగణం నుంచి సాక్షి టీవీ చానెల్ వివిధ వర్గాల అభిప్రాయాలను సేకరిస్తూ ప్రత్యక్ష ప్రసారం సాగించింది. వైయస్ జగన్ దీక్షకు రైతులు వచ్చారని చెప్పడానికి ప్రయత్నించింది.

తాము రైతులమని, వైయస్ జగన్ దీక్షకు మద్దతిస్తున్నామని కొంత మంది సాక్షి టీవీ చానెల్ ప్రతినిధితో చెప్పారు. రైతులే దీక్షకు రావాల్సిన అవసరం లేదని, రైతుల గుండె కోతను అర్థం చేసుకున్న ఎవరైనా రావచ్చునని ఓ వ్యక్తి అన్నాడు. 15 వేల మంది రైతులం తమ ప్రాంతం నుంచి వచ్చామని మరో వ్యక్తి చెప్పాడు.