దక్షిణాఫ్రికాలో చంద్రబాబు నిరాహార దీక్షకు తెలుగువారి మద్దతు

హైదరాబాద్: రైతుల సమస్యలను పరిష్కరించాలని గత వారం రోజులుగా నిరవధిక నిరాహార దీక్ష చేస్తున్న తెలుగుదేశం పార్టీ అధ్యక్షుడు, మాజీ ముఖ్యమంత్రి చంద్రబాబునాయుడికి అంతర్జాతీయంగా మద్దతు లభిస్తుంది. ఆయనకు దక్షిణాఫ్రికాలోని తెలుగుదేశం పార్టీ కార్యకర్తలు మద్దతు పలికారు. చంద్రబాబు ఏడు రోజులుగా దీక్ష చేస్తున్నా ప్రభుత్వం పట్టించుకోవటం లేదని ఆరోపించారు. ప్రభుత్వం వెంటనే స్పందించాలని వారు కోరారు. చంద్రబాబు అరెస్టును ఖండించాలి అంటూ నినాదాలు చేశారు.

కాగా ముఖ్యమంత్రి ఆధ్వర్యంలో ఏర్పాటు చేసిన అఖిల పక్షం నుండి సిపిఐ పార్టీ వాకౌట్ చేసింది. సమస్యలను పక్క దారి పట్టించేందుకు ప్రభుత్వం వ్యవహరిస్తోందని ఆ పార్టీ అధ్యక్షుడు నారాయణ అన్నారు. కేరళ, తమిళనాడు తరహా సాయానికి ఆయన ఒప్పుకోవడం లేదన్నారు. మంత్రి ధర్మాన మాకు అంతర్జాతీయ రాజకీయాలు చెబుతున్నారన్నారు. అసలు సమస్యలను పక్కదారి పట్టించడానికి పట్టించే ప్రయత్నాలు చేస్తున్నారన్నారు. పరిహారం విషయంలో ముఖ్యమంత్రి కిరణ్ కుమార్ రెడ్డి తీరు బాగా లేదన్నారు.