అవగాహన లేకుండా మాట్లాడటం సరికాదు: రోజాపై నన్నపనేని ఫైర్

హైదరాబాద్: సినీ హీరోయిన్, రాజకీయ నాయకురాలు రోజాపై తెలుగుదేశం పార్టీ సీనియర్ నాయకురాలు నన్నపనేని రాజకుమారి ఆగ్రహం వ్యక్తం చేశారు. రోజా అవగాహన లేకుండా మాట్లాడుతున్నారన్నారు. అవగాహన లేకుండా మాట్లాడటం సరికాదని సూచించారు. రాష్ట్రవ్యాప్తంగా పంట నష్టపోయి చాలా మంది రైతులు ఆత్మహత్య చేసుకున్నారన్నారు. వారి కుటుంబాలను ఎన్టీఆర్ ట్రస్టు ఆధ్వర్యంలో ఆదుకుంటామని ఆమె హామీ ఇచ్చారు.

కాగా పంట నష్టపోయి ఆత్మహత్య చేసుకున్న రైతుల కుటుంబాలను పరామర్శించాలని తెలుగుదేశం పార్టీ నిర్ణయించుకుంది. రాష్ట్రంలోని ఆయా జిల్లాల అధ్యక్షులు, ఇతర నేతలు వారి వారి జిల్లాల్లో మరణించిన రైతుల కుటుంబాలను పరామర్శిస్తారు.