వైయస్ జగన్మోహన్ రెడ్డిపై పాలడుగు ఎమ్మెల్సీ వెంకట్రావు ఫైర్

హైదరాబాద్: మాజీ పార్లమెంటు సభ్యుడు, దివంగత ముఖ్యమంత్రి వైయస్ రాజశేఖరరెడ్డి తనయుడు వైయస్ జగన్మోహన్ రెడ్డికి రాజకీయాల్లో ఏబిసిడిలు కూడా తెలియవని కాంగ్రెసు పార్టీ సీనియర్ నాయకుడు, శాసనమండలి సభ్యుడు పాలడుగు వెంకట్రావు శుక్రవారం కాంగ్రెసు పార్టీ కార్యాలయంలో ఏర్పాటు చేసిన విలేకరుల సమావేశంలో అన్నారు. మొన్న మొన్ననే రాజకీయాల్లోకి వచ్చి అందరిపై విమర్శలు గుప్పించటం సరికాదన్నారు.

ఏఐసిసి అధ్యక్షురాలు సోనియాగాంధీని విమర్శించే స్థాయి జగన్మోహన్ రెడ్డికి లేదన్నారు. జగన్ చేసేవన్నీ అసంబద్ధ వ్యాఖ్యలే అని ఆయన విమర్శించారు. తమ పార్టీ అధినేత్రిపై మరోసారి ఆరోపణలు చేస్తే చూస్తూ ఊరుకోమన్నారు. జగన్ కు ఇదే చివరి అవకాశమన్నారు.