మైనార్టీలో కిరణ్ ప్రభుత్వం: టిడిపి నేత దాడి వీరభద్రారావు

విశాఖపట్నం: రాష్ట్రంలో ముఖ్యమంత్రి కిరణ్‌ కుమార్‌ రెడ్డి ప్రభుత్వం మైనారిటీలో పడిపోయిందని తెలుగుదేశం పార్టీ సీనియర్ నాయకుడు, మాజీ మంత్రి దాడి వీరభద్రారావు బుధవారం అన్నారు. కిరణ్ ‌కుమార్‌ రెడ్డి వెంటనే శాసనసభలో తన బలాన్నినిరూపించుకోవాలని డిమాండ్ చేశారు.

పార్టీ అధికారంలో ఉండటానికి 148 సీట్లు కావాల్సి ఉండగా ప్రస్తుతానికి రాష్ట్ర ప్రభుత్వానికి 132 మంది శాసనసభ్యుల మద్దతు మాత్రమే ఉందన్నారు. 23 మంది ఎమ్మెల్యేలు మాజీ పార్లమెంటు సభ్యుడు వైయస్ జగన్ వెంట వెళ్లడంతో ఆ పార్టీ ఎమ్మెల్యేల సంఖ్య ప్రభుత్వానికి కావాల్సిన కనీస సంఖ్య కంటే 16 తగ్గిందన్నారు.