రు.1.40 కోట్ల బంగారం చోరీ: తెలిసిన వారి పనిగా భావిస్తున్న పోలీసులు

ఒంగోలు: ప్రకాశం జిల్లాలో భారీ దొంగతనం జరిగింది. సుమారు రూపాయలు 1.40 కోట్ల బంగారం చోరీకి గురయినట్లు సమాచారం. ప్రకాశం జిల్లాలోని కందుకూరులోని మస్తాన్ జెవెల్లర్స్‌లో ఈ సంఘటన చోటు చేసుకుంది. బంగారంతో పాటు విలువైన నగలు కూడా దోచుకెళ్లినట్లుగా తెలుస్తోంది. సోమవారం అర్ధరాత్రి దాటిన తర్వాత ఈ చోరీ పోలీసులు భావిస్తున్నారు. సంఘటనా స్థలానికి చేరుకున్న పోలీసులు కేసు నమోదు చేసుకున్నారు.

దొంగతనానికి పాల్పడింది బాగా తెలిసిన వ్యక్తులే అయి ఉండవచ్చని పోలీసులు భావిస్తున్నారు. పక్కా వ్యూహం ప్రకారమే దొంగతనం చేశారని పోలీసులు భావిస్తున్నారు. కేసును చేధించడానికి విజయవాడనుండి క్లూస్ టీంను కూడా రప్పిస్తున్నారు.