శ్రీకాకుళం జిల్లాలో కారు-లారీ ఢీ: ఆరుగురు కుటుంబ సభ్యులు మృతి

శ్రీకాకుళం: శ్రీకాకుళం జిల్లాలో ఘోర ప్రమాదం కారణంగా ఆరుగురు చనిపోయారు. ప్రమాదంలో చనిపోయిన వారంతా ఒకే కుటుంబానికి చెందిన వారు. శ్రీకాకుళం జిల్లాలోని లావేరు మండలం బుడుమూరు వద్ద ఈ దుర్ఘటన చోటు చేసుకుంది. వెంకట రమేష్ అనే వ్యక్తి తన కుటుంబ సభ్యులతో ఒరిస్సానుండి విశాఖపట్టణానికి కారులో వెళుతున్నారు. అయితే బుడమూరు ప్రాంతంలో కారు ముందు వెళుతున్న లారీని ఢీకొట్టింది. కారు లారీతో పాటే సుమారు 100 అడుగులు దూరం వరకు కారును లారీ ఈడ్చుకెళ్లింది.

కారులో ఉన్న ఆరుగులు చనిపోయారు. ఇందులో ఇద్దరు పిల్లలు, ఇద్దరు మహిళలు ఉన్నారు. లారీ డ్రైవర్ ముందుగానే అప్రమత్తమయి ఉంటే ఇంత దారుణం జరిగి ఉండేది కాదని భావిస్తున్నారు. మృతులు విశాఖ జిల్లాకు చెందిన వారుగా తెలుస్తోంది. పోలీసులు సంఘటనా స్థలానికి చేరుకున్నారు. కేసు నమోదు దర్యాఫ్తు చేస్తున్నారు.