• search
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

వైయస్ జగన్‌కు ఐటి శాఖ షాక్: రూ.280 కోట్లు కట్టాలని నోటీసులు?

By Srinivas
|
YS Jagan
హైదరాబాద్: మాజీ పార్లమెంటు సభ్యుడు వైయస్ జగన్మోహన్‌రెడ్డికి ఐటి శాఖ షాక్ ఇచ్చింది. జగన్ మీడియా సాక్షి పత్రిక, సాక్షి టివిలలో పెట్టుబడులలో అక్రమ పెట్టుబడులు ఉన్నాయని తేల్చి చెబుతూ లెక్కలు చూపని ఆదాయంపై 280 కోట్ల రూపాయల పన్ను కట్టాలంటూ జగతి పబ్లికేషన్స్, ఇందిరా టెలివిజన్‌లకు ఐటి శాఖ నోటీలుసు జారీ చేసినట్లుగా సమాచారం. వాటిలో అక్రమ ఆదాయాలు ఉన్నట్టు వచ్చిన ఆరోపణలు నిజమేనని ఆదాయపన్ను శాఖ నిర్ధారణకు వచ్చి నోటీసులు జారీ చేసినట్టుగా తెలుస్తోంది. దీంతో అతి ఎక్కువ ప్రీమియం ధరలకు షేర్లు అమ్మి బ్లాక్ మనీని వైట్ మనీగా మార్చుకున్నట్లు వస్తున్న వార్తల్లో నిజం ఉందనే అనుమానాలకు మరింత బలపడుతున్నాయి. అయితే ఐటి శాఖ నోటీసులపై అప్పీలుకు వెళ్లాలని యాజమాన్యం ఆలోచిస్తున్నట్టుగా కూడా తెలుస్తోంది.

సాక్షి సంస్థల్లోకి రకరకాల అక్రమ మార్గాల్లో భారీగా పెట్టుబడులు ప్రవహించినట్లు ఆరోపణల నేపథ్యంలో జగన్ సంస్థల వ్యవహారాలపై వివిధ కేంద్ర ద ర్యాప్తు సంస్థల పని తీరును ఎప్పటికప్పుడు సమీక్షించాలని కాంగ్రెస్ అధిష్ఠానం నిర్ణయించుకున్నట్లు తెలిసింది. ఈ నేపథ్యంలో జగన్ మీడియాకు ఐటీ శాఖ డిమాండ్ నోటీసు జారీ చేసిన విషయం ఢిల్లీ పెద్దల దృష్టికి వచ్చింది. జగతి పబ్లికేషన్స్, ఇందిరా టెలివిజన్ సంస్థల్లో పెట్టుబడులపై అందిన ఫిర్యాదుల ఆధారంగానే ఐటీ అధికారులు తీగ లాగారు. జగన్ 2004లో సాండూర్ పవర్ కంపెనీ అనే ఖాయిలా పడ్డ సంస్థను కొనుగోలు చేశారు. అందులో వాటాలను మారిషస్‌కు చెందిన 2ఐ కాపిటల్, ప్లూరీ ఎమర్జింగ్ అనే రెండు కంపెనీలకు విక్రయించారు. ఇలా సేకరించిన నిధులను ఇతర అనుబంధ కంపెనీలను ప్రమోట్ చేయడానికి ఉపయోగించింది.

సాండూర్ పవర్‌కు క్లాసిక్ రియాల్టీ, కార్మెల్ ఆసియా, భగవత్ సన్నిధి ఎస్టేట్స్, హరీశ్ ఇన్ఫ్రా అనే నాలుగు అనుబంధ కంపెనీలున్నాయి. అందులో క్లాసిక్ రియాల్టీకి మరో మూడు అనుబంధ సంస్థలున్నాయి. ఇలా ఒకదానికొకటి లింకు కంపెనీలు ఉన్నాయి. ఇలా జగన్ ఏర్పాటు చేసిన అనుబంధ సంస్థలే సాండూర్ పవర్ నుంచి తక్కువ ధరకు వాటాలను కొన్నాయి. ఇవే వాటాలను తిరిగి గిలిక్రిస్ట్ ఇన్వెస్ట్‌మెంట్స్ ప్రైవేట్ లిమిటెడ్, ఇండియా సిమెంట్స్, జీఆర్ ఇంట్రాకెమ్, పయనీర్ ఇన్‌ఫ్రా, పెన్నార్ సిమెంట్స్, హెటెరో డ్రగ్స్, అరబిందో ఫార్మా, ఇందూ ప్రాజెక్ట్స్ వంటి కంపెనీలకు అత్యధిక ధరలకు అమ్ముకొని వాటి ద్వారా ఆర్జించిన డబ్బులతోనే సాక్షి పత్రిక, సాక్షి టెలివిజన్‌కు పెట్టుబడులకు అందాయనే ఆరోపణలు ఉన్నాయి. ఈ భారీ మొత్తాల్లో అక్రమాదాయం ఉందని ఐటీ అధికారులు గుర్తించి లెక్కతోలని వాటికి 280 కోట్ల పన్ను కట్టాల్సిందిగా నోటీసులు పంపినట్లుగా సమాచారం.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని వైయస్ జగన్ వార్తలుView All

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more