తెలంగాణ తప్పకుండా వస్తుంది: మంత్రి బస్వరాజు సారయ్య

హైదరాబాద్: కాంగ్రెసు పార్టీ ప్రత్యేత తెలంగాణకు కట్టుబడి ఉందని బిసి సంక్షేమ మంత్రి బస్వరాజు సారయ్య గురువారం అన్నారు. అయితే ప్రత్యేక తెలంగాణ పేరుతో దాడులు చేయడం సరికాదన్నారు. ప్రజాప్రతినిధులపై దాడులు తెలంగాణ ఏర్పాటుకు నష్టం కలిగిస్తాయన్నారు. ప్రభుత్వం ప్రతిష్టాత్మకంగా నిర్వహిస్తున్న రచ్చబండ కార్యక్రమాన్ని అడ్డుకుంటే అభివృద్ధిని అడ్డుకున్నట్టేనన్నారు. ప్రజాస్వామ్యయుతంగా అడ్డుకుంటే తప్పులేదన్నారు. అయితే దాడులు మాత్రం సరికాదన్నారు.

కాగా మంత్రి శైలజానాథ్ మాజీ పార్లమెంటు సభ్యుడు వైయస్ జగన్మోహన్ రెడ్డి వర్గంపై వేరుగా స్పందించారు. కిరణ్ ప్రభుత్వంపై ఎవరైనా అవిశ్వాసం పెట్టుకోవచ్చన్నారు. ప్రజాస్వామ్యంలో అవిశ్వాసం పెట్టుకునే హక్కు అందరికీ ఉంటుందన్నారు. కాబట్టి ఎవరు పెట్టకున్నా మాకు అభ్యంతరం లేదన్నారు. అవిశ్వాసం పెడితే మా బలం మేం నిరూపించుకుంటామని స్పష్టం చేశారు.