బిల్లు పెట్టే వరకు పార్లమెంటు సమావేశాలు బహిష్కరించండి: రేవంత్‌రెడ్డి

హైదరాబాద్: పార్లమెంటులో వచ్చే బడ్జెట్ సమావేశాల్లో తెలంగాణ బిల్లును ప్రవేశపెట్టాలని తెలుగుదేశం పార్టీ సీనియర్ నాయకుడు రేవంత్‌రెడ్డి సోమవారం కేంద్ర ప్రభుత్వాన్ని డిమాండ్ చేశారు. శ్రీకృష్ణ కమిటీ నివేదికతో సంబంధం లేకుండా తెలంగాణను ప్రకటించాలని డిమాండ్ చేశారు. కేంద్రం తెలంగాణ బిల్లు పార్లమెంటులో పెట్టే వరకు రాష్ట్రానికి చెందిన పార్లమెంటు సభ్యులు పార్లమెంటు సమావేశాలను బహిష్కరించాలన్నారు.

కాంగ్రెస్ నేతల్లో పావలా వడ్డీ ఐడియాపై కూడా వాదులటాలకు జరగడం హాస్యాస్పదమని మరో నేత ఉమ్మారెడ్డి వెంకటేశ్వర్లు వేరుగా అన్నారు. పథకాలపై కూడా నేతలు వాదులాటలు జరుపుకోవడం సిగ్గుచేటు అన్నారు. ఈ సారి అయినా కేంద్రం నుండి ఎరువులు తెచ్చేటప్పుడు మిక్సింగ్ విడివిడిగా తేవాలన్నారు. అమెరికాలో రైతులకు 62 శాతం సబ్సిడీ ఇస్తారని కానీ మన దేశంలో మాత్రం 2.5 శాతం ఇస్తారని అన్నారు. రైతులకు ఇచ్చే సబ్సిడీని పెంచాలని డిమాండ్ చేశారు.