• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

కాంగ్రెసు పార్టీలో విలీనం దిశగానే పిఆర్పీ అడుగులు, తుది నిర్ణయం చిరుదే

By Pratap
|
Google Oneindia TeluguNews
Prajarajyam Party
హైదరాబాద్: చిరంజీవి నేతృత్వంలోని ప్రజారాజ్యం పార్టీ కాంగ్రెసులో విలీనమయ్యే దిశగానే అడుగులు వేస్తున్నట్లు కనిపిస్తోంది. గురువారం జరిగిన ప్రజారాజ్యం పార్టీ విస్తృత స్థాయి సమావేశంలో ఆ దిశలో చర్చలు జరిగినట్లు తెలుస్తోంది. అయితే, తుది నిర్ణయం తీసుకునే అధికారాన్ని చిరంజీవికి కట్టబెడుతూ సమావేశం నిర్ణయం తీసుకుంది. సమావేశానంతరం ప్రజారాజ్యం పార్టీ నాయకుడు సి. రామచంద్రయ్య మీడియా ప్రతినిధులతో మాట్లాడారు. ఒంటరిగా సామాజిక న్యాయం సాధించలేమనే ఉద్దేశంతో కాంగ్రెసుతో కలవాలని నిర్ణయించినట్లు ఆయన తెలిపారు. చిరంజీవి ఈ వారాంతంలో ఢిల్లీ వెళ్తారని, సోనియాతో చిరంజీవి భేటీలో కాంగ్రెసు తమకిచ్చే ఆఫర్లపై చర్చించడానికి మరోసారి సమావేశమవుతామని, ఆ సమావేశంలో తుది నిర్ణయం తీసుకుంటామని ఆయన చెప్పారు.

సోనియాతో భేటీలో తమ నుంచి ఏ విధమైన ప్రతిపాదనలు ఉండవని ఆయన చెప్పారు. కాంగ్రెసు ఆఫర్ల మీదనే చర్చ జరుగుతుందని ఆయన చెప్పారు. వైయస్ రాజశేఖర రెడ్డి హయాం నుంచి రెండు పార్టీలు కలిసి పని చేసే విషయంపై చర్చలు జరుగుతున్నాయని, అందులో భాగంగానే తాము రాజ్యసభ ఎన్నికల్లో కాంగ్రెసుకు మద్దతిచ్చామని, కార్పొరేషన్ ఎన్నికల్లో కూడా కలిసి పనిచేయాలని అనుకున్నామని, తర్వాత ఆ విషయం వెనకపడిందని, ఇప్పుడు మళ్లీ ముందుకు వచ్చిందని ఆయన చెప్పారు. ఎన్నికల్లో తాము కాంగ్రెసు పార్టీపై ఒకటి రెండు తీవ్ర వ్యాఖ్యలు చేసినంత మాత్రాన అది కలిసి పనిచేయడానికి ఆటంకం కాదని ఆయన అన్నారు. ఆంటోనీ స్వయంగా వచ్చి ఆహ్వానించారని, అందువల్ల ఇక్కడ ఒక్కరిద్దరు కాంగ్రెసు నాయకులు వ్యతిరేకించినంత మాత్రాన కలిసి పనిచేసే విషయం వెనక్కి పోదని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X