జగన్ ఆస్తులపై విచారణ జరిపించాలి: సోమిరెడ్డి చంద్రమోహన్‌రెడ్డి

హైదరాబాద్: దివంగత ముఖ్యమంత్రి వైఎస్ రాజశేఖరరెడ్డి, అయన అత్మ కెవిపి రామచంద్రారావు అధికారంలో ఉండి అవినీతికి పాల్పడ్డారనే విషయాన్ని అదే పార్టీకి చెందిన చాలామంది ధృవీకరించారని అయినా ప్రభుత్వం స్పందించక పోవటం ఏమిటని తెలుగుదేశం పార్టీ సీనియర్ నాయకుడు, మాజీ మంత్రి సోమిరెడ్డి చంద్రమోహన్ రెడ్డి ప్రశ్నించారు. వైఎస్ అవినీతికి పాల్పడ్డారని మంత్రులు డిఎల్ రవీంద్రారెడ్డి, ఎంపీలే ఆరోపిస్తున్నారన్నారు. కెవిపిపైన కూడా కొండా సురేఖ అవినీతి ఆరోపణలు చేశారన్నారు.

మాజీ పార్లమెంటు సభ్యుడు వైఎస్ జగన్మోహన్ రెడ్డి ఆస్తులపై విచారణ జరిపించాలని ఆయన డిమాండ్ చేశారు. ప్రజారాజ్యం పార్టీ కాంగ్రెస్‌లో విలీనం విషయం వైఎస్ ప్రతిపాదించారని చెబుతూ లేఖలోని విషయాలు బహిర్గతం చేసిన రాజమండ్రి పార్లమెంటు సభ్యుడు ఉండవల్లి అరుణ్‌కుమార్ లేఖలోని మిగతా విషయాలను కూడా బయల్పరచాలని అన్నారు.