రాజీనామా చేసే ప్రశ్నే లేదు: పార్టీలో ఉండే పోరాటం చేస్తా..!

హైదరాబాద్‌: తెలుగుదేశం పార్టీకి రాజీనామా చేసే యోచనలో ఉన్నట్లు తనపై వస్తున్న కథనాలను వరంగల్ జిల్లా పాలకుర్తి శాసనసభ్యుడు ఎర్రబెల్లి దయాకర రావు ఖండించారు. తెలంగాణ అంశంపై తెదేపా అధ్యక్షుడు నారా చంద్రబాబు నాయుడి వైఖరికి నిరసనగా దయాకర రావు రాజీనామా చేసి, స్వతంత్ర అభ్యర్థిగా తిరిగి శాసనసభకు పోటీ చేయాలనే ఆలోచనలో ఉన్నట్లు వస్తున్న ఊహాగానాలను ఆయన తోసిపుచ్చారు.

దీనిపై ఆయన స్పందిస్తూ.. ఎట్టి పరిస్థితుల్లోనూ తెలుగుదేశం పార్టీని విడిచిపెట్టే ప్రశ్నే లేదని ఎర్రబెల్లి స్పష్టం చేశారు. పార్టీలో ఉంటూనే ఎటువంటి పోరాటమైనా చేస్తానని, పార్లమెంట్‌లో తెలంగాణ బిల్లు ప్రవేశపెట్టకపోతే తీవ్ర పరిణామాలు ఎదుక్కోవలసి ఉంటుందని ఆయన హెచ్చరించారు. ఇందుకోసం అవసరమైతే పార్లమెంట్‌ ఎదుట ధర్నా కూడా చేస్తామని చెప్పారు. పార్లమెంట్‌లో తెలంగాణా బిల్లును ప్రవేశపెడితే తమ పార్టీ ఎంపీలంతా మద్దతిస్తారని ఎర్రబెల్లి చెప్పారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!