కొండా సురేఖ జగన్ వెంట ఉండరా, తెలంగాణ ఖాళీ అందువల్లనే?

హైదరాబాద్: వరంగల్ జిల్లాకు చెందిన కాంగ్రెసు శాసనసభ్యురాలు కొండా సురేఖ మాజీ పార్లమెంటు సభ్యుడు వైయస్ జగన్ వెంట ఉండడం అనుమానంగానే ఉంది. ఈ అనుమానం వైయస్ జగన్‌కు కలిగినట్లుంది. రాయలసీమ, కోస్తాంధ్ర ప్రాంతాలకు, వివిధ జిల్లాలకు సమన్వయకర్తలను వేసిన జగన్ తెలంగాణ ప్రాంతం సమన్వయకర్త పదవిని ఖాళీగా ఉంచారు. తెలంగాణ ప్రాంత సమన్వయకర్తగా కొండా సురేఖను నియమిస్తారని మొదటి నుంచి అనుకుంటూ వస్తున్నారు. అయితే, సురేఖ ఇటీవలి వైయస్ జగన్ హరితయాత్రకు హాజరు కాలేదు. శుక్రవారం జరిగిన సమావేశానికి కూడా ఆమె డుమ్మా కొట్టినట్లు తెలుస్తోంది.

హరితయాత్రకు డుమ్మా కొట్టిన నేపథ్యంలో సురేఖ తిరిగి కాంగ్రెసుకు విధేయత ప్రకటించే అవకాశాలున్నట్లు ప్రచారం జరిగింది. ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్‌తో కూడా ఆమె భేటీ అయినట్లు వార్తలు వచ్చాయి. దీంతో తన వైపు కొండా సురేఖ ఉండడం అనుమానంగానే ఉందని జగన్ భావిస్తున్నట్లు తెలుస్తోంది. ఎటూ తేల్చుకోలేకపోతున్న నేపథ్యంలో ఆమెకు కొంత సమయం ఇవ్వాలని జగన్ అనుకుంటున్నట్లు తెలుస్తోంది. దీంతో తెలంగాణ ప్రాంత సమన్వయకర్తగా ఎవరినీ నియమించలేదని తెలుస్తోంది.

English summary

It is learnt that YS Jagan is suspecting MLA Konda Surekha's support. It is said that, due to Konda Surekha's attitude, he kept vacant the post of Telangana region co - ordinator. There is a rumor that Konda Surekha might change loyalties.