తెలంగాణపై కాంగ్రెసు తెలంగాణ నేతలకు నాగం జనార్దన్ రెడ్డి సవాల్

హైదరాబాద్: తెలంగాణ అంశంపై తెలుగుదేశం తెలంగాణ ఫోరం కన్వీనర్ నాగం జనార్దన్ రెడ్డి కాంగ్రెసు తెలంగాణ ప్రాంత నాయకులకు సవాల్ విసిరారు. తెలంగాణ కోసం తాము ఏ త్యాగాలకైనా సిద్ధమేనని, కాంగ్రెసు నాయకులు త్యాగాలకు సిద్ధపడుతారా అని ఆయన సోమవారం మీడియా ప్రతినిధుల సమావేశంలో ప్రశ్నించారు. తెలంగాణ కోసం ఢిల్లీ వెళ్లిన కాంగ్రెసు నాయకులు కేంద్ర ప్రభుత్వం నుంచి స్పష్టమైన హామీ లభించే వరకు తిరిగి రాకూడదని ఆయన అన్నారు. తెలంగాణపై కాంగ్రెసు తెలంగాణ నేతలు వారి అధిష్టానం నుంచి స్పష్టమైన హామీ పొందాలని ఆయన అన్నారు.

తెలంగాణకు వ్యతిరేకంగా సీమాంధ్ర నాయకులు చాప కింద నీరులా పనిచేస్తున్నారని ఆయన విమర్శించారు. తెలంగాణ నాయకులు స్వార్థం వీడి తెలంగాణ కోసం పనిచేయాలని ఆయన సూచించారు. తెలంగాణ కోసం శాసనసభలో తీర్మానం ప్రతిపాదించాలని ఆయన డిమాండ్ చేశారుట. సహాయ నిరాకరణ ప్రజల నుంచి వచ్చిందని, సహాయ నిరాకరణ ఉద్యమానికి తమ మద్దతు ఉంటుందని ఆయన చెప్పారు. తెలంగాణ ఉద్యోగుల జెఎసి నాయకులు నాగం జనార్దన్ రెడ్డిని కలిసి సహాయ నిరాకరణకు మద్దతు కోరారు.

English summary

TDP Telangana forum convener Nagam Janardhan Reddy challenged Congress Telangana region leaders on Telangana issue. He said that TDP Telangana leaders are ready to sacrifice anything for Telangana and Congress Telangana region leaders should prepare for that.