సెక్స్ స్కామ్లో ఇటలీ ప్రధాని బెర్లుస్కోనీ, ఏప్రిల్లో విచారణ
రూబీ ది హార్ట్ స్టీలర్గా పిలిచే 17 ఏళ్ల నైట్ క్లబ్ డ్యాన్సర్తో సెక్స్కు చెల్లింపులు చేసినట్లు వచ్చిన ఆరోపణలపై 74 ఏళ్ల బెర్లుస్కోనీని ఫాస్ట్ ట్రాక్ కోర్టులో విచారించాలని మిలన్ మెజిస్ట్రేట్లు చేసిన విజ్ఞప్తికి డి సెన్సా అంగీకారం తెలిపారు. దొంగతనం ఆరోపణలపై మేలో అరెస్టయిన మోరోక్కానా విడుదలకు ప్రధానిగా తన అధికారం ఉపయోగించి పోలీసులను ప్రభావితం చేశారనే ఆరోపణపై కూడా బెర్లుస్కోనీపై విచారణ జరుగుతుంది. వ్యభిచార కార్యక్రమం ఇటలీలో నేరం కాదు. అయితే, 18 ఏళ్ల లోపు బాలికలతో వ్యభిచరించడం మాత్రం ఆ దేశంలో నేరం కిందికి వస్తుంది.
మైనర్ బాలికతో శృంగారం నెరిపిన ఆరోపణలు రుజువైతే మూడేళ్ల జైలు శిక్ష పడుతుంది. అధికార దుర్వినియోగం చేసినట్లు రుజువైతే ఆరు నుంచి 12 నెలల జైలు శిక్ష పడవచ్చు. రూబీకి 2010 నవంబర్లో 18 ఏళ్ల వయస్సు వచ్చింది. అంతకు ముందు మైనారిటీ అయిన రూబీతో సెక్స్ కార్యకలాపం నడిపారని బెర్లుస్కోనీపై ఆరోపణలు వచ్చాయి.
Click it and Unblock the Notifications
Sign in with Google