వేర్వేరు ప్రమాదాల్లో 7గురు మృతి: అనంతలో ఆటో-లారీ ఢీ

By Srinivas

Published: Tuesday, May 29, 2012, 10:09 [IST]

అనంతపురం/అదిలాబాద్: రెండు వేరు వేరు ప్రమాదాల్లో ఏడుగురు చనిపోయిన సంఘటన అనంతపురం, అదిలాబాద్ జిల్లాల్లో చోటు చేసుకుంది. అనంతపురం జిల్లా గుత్తి బైపాస్ రహదారిలో ఎన్‌హెచ్-7పై ఓ ఆటోను లారీ ఢీ కొట్టడంతో నలుగురు మృతి చెందినట్లుగా తెలుస్తోంది. మరో ఎనిమిది మందికి తీవ్ర గాయాలయ్యాయి. అందులో ఇద్దరి పరిస్థితి విషమంగా ఉంది. గాయాలైన వారిని ఆసుపత్రికి తరలించారు.

అదిలాబాద్ జిల్లాలోని తాండూరు మండలం బోయపల్లి వద్ద రెండు లారీలు ఢీకొన్నాయి. ఈ ఘటనలో ముగ్గురు మృతి చెందగా, మరో ముగ్గురికి తీవ్ర గాయాలయ్యాయి. రెండు మృతదేహాలను, గాయాలల పాలైన వారిని బెల్లంపల్లి ఆసుపత్రికి తరలించారు. మరో మృతదేహం లారీ క్యాబిన్‌లో చిక్కుకు పోయింది.

Published On May 29, 2012