లోక్‌సత్తా అధ్యక్షుడు జెపిపై లాయర్ల ఫైర్: దిష్టిబొమ్మ దగ్ధం

హైదరాబాద్: లోక్‌సత్తా అధ్యక్షుడు జయప్రకాశ్ నారాయణ వైఖరిని నిరసిస్తూ తెలంగాణ లాయర్లు శుక్రవారం ఆయన దిష్టిబొమ్మను దగ్ధం చేశారు. నాంపల్లి కోర్టులోని తెలంగాణ లాయర్లు మధ్యాహ్నం కోర్టు విధులు బహిష్కరించి వచ్చారు. వారు జయప్రకాశ్ దిష్టిబొమ్మతో అసెంబ్లీ వైపుకు ర్యాలీగా బయలు దేరారు. పోలీసులు వారిని అడ్డుకునే ప్రయత్నాలు చేశారు. పోలీసులను దాటుకొని వారు అసెంబ్లీ వైపు దూసుకు రావడానికి ప్రయత్నాలు చేశారు. అయితే ఎట్టకేలకు పోలీసులు వారిని అడ్డుకున్నారు.

దీంతో సుమారు 15 నిమిషాల పాటు అక్కడ తీవ్ర ఉద్రిక్త పరిస్థితి నెలకొంది. పబ్లిక్ గార్డెన్ వద్ద లాయర్లు జెపి దిష్టిబొమ్మను దగ్ధం చేశారు. ఆయనకు వ్యతిరేకంగా, తెలంగాణకు అనుకూలంగా నినాదాలు చేశారు. సీమాంధ్ర విషపుత్రుడు అని, తెలంగాణలో దమనకాండ జరుగుతున్నప్పుడు మాట్లాడని జెపి ఇప్పుడు ఎలా మాట్లాడుతారని ప్రశ్నించారు. కాగా వరంగల్ జిల్లాలో లాయర్ల సహాయ నిరాకరణ తీవ్ర ఉద్రిక్తతకు దారి తీసింది కోర్టులో కార్యకలాపాలు బహిష్కరించిన లాయర్ల ర్యాలీపై పోలీసులు లాఠీఛార్జ్ చేశారు.

English summary

Telangana lawyers fired at Lok Satta president Jayaprakash Narayana today. They suspended court works and rallied to Assembly. Police obstructed them at public garden of Hyferabad near Assembly.