న్యూజిలాండ్‌ను కుదిపేసిన భారీ భూకంపం, విధ్వంసం

వెల్లింగ్టన్‌: న్యూజిలాండ్‌లోని క్రిస్ట్‌చర్చ్ నగరాన్ని మంగళవారం భారీ భూకంపం కుదిపేసింది. భవనాలు కూలిపోయాయి. శిథిలాల కింద వాహనాలు కూరుకుపోయాయి. మరణాలు కూడా భారీగానే సంభవించి ఉంటాయని అనుమానిస్తున్నారు. సహాయక చర్యలు చేపట్టేందుకు రంగం సిద్ధమైంది. భూకంప తీవ్రత రిక్టర్ స్కేలుపై 6.3గా నమోదైంది. మరణాలు గురించి తెలుసుకోవడానికి ప్రయత్నిస్తున్నామని పోలీసులు చెప్పారు. మరణాలు ఏ మేరకు సంభవించాయనేది తెలియదని ప్రధాని జాన్ కీ చెప్పారు.

భవనాలు కూలి వీధుల మీద పడ్డాయి. రోడ్లు పగుళ్లు వారాయి. క్రిస్ట్ చర్చి మేయర్ బాబ్ పార్కర్ ఎమర్జెన్సీ ప్రకటించారు. ప్రజలు నగరాన్ని వదిలి వెళ్లాలని ఆదేశించారు. నగరానికి ఇది బ్లాక్ డే అని ఆయన వ్యాఖ్యానించారు. విమానాశ్రయాన్ని మూసేశారు. క్రిస్ట్ చర్చి ఆస్పత్రిని ఖాళీ చేయించారు. విద్యుత్తు, టెలిఫోన్ లైన్లు తెగిపోయాయి. పైపులు పగిలిపోయాయి. నీళ్లు వీధుల్లో ప్రవహిస్తున్నాయి. కార్యాలయాలపైకి చాలా మంది చేరుకున్నారు. వారిని దింపడానికి ఫైర్ ఫైటర్స్ రంగంలోకి దిగారు. ప్రజలు కార్యాలయాలకు, పనులకు వెళ్తున్న సమయంలో భూకంపం సంభవించింది.

English summary

A powerful earthquake hit the New Zealand city of Christchurch on Tuesday, collapsing buildings, burying vehicles under debris and sending rescuers scrambling to help trapped people amid reports of multiple deaths.