వైయస్ జగన్ ఆరోగ్యం ఆందోళనకరం: పరీక్షించిన గాంధీ వైద్యులు

By Srinivas

Published: Thursday, February 24, 2011, 14:03 [IST]

హైదరాబాద్: మాజీ పార్లమెంటు సభ్యుడు వైయస్ జగన్మోహన్ రెడ్డి ఆరోగ్యం ఆందోళనకరంగా ఉందని మహాత్మాగాంధీ వైద్యులు గురువారం జగన్‌ను పరీక్షించిన అనంతరం ప్రకటించారు. జగన్ ఆరోగ్యం ఆందోళనకరంగా ఉందని, ఆయనకు వెంటనే ఫ్లూయిడ్స్ ఎక్కించారని చెప్పారు. డాక్టర్లు పరిశీలించిన అనంతరం ఇచ్చిన రిపోర్టు ప్రకారం జగన్ బిపి లెవల్ 110/60, రక్తంలో చక్కెర శాతం 75 గ్రా. యూరిన్ పరీక్షలో కీటోన్ బాడీస్ మరింత ఎక్కువగా పెరిగినట్లు వారు కనుగొన్నారు. జగన్ వెంటనే దీక్షను విరమించి ఫ్లూయిడ్స్ ఎక్కించుకోవాలని వారు సూచించారు. కాగా సాయంత్రం 3 గంటలకు జగన్ దీక్షను విరమించనున్నారు.

గత వారం రోజులుగా జగన్ విద్యార్థుల భవిష్యత్తు దృష్ట్యా ప్రభుత్వం వారి ఫీజు రీయింబర్స్‌మెంట్స్ వెంటనే విడుదల చేయాలని డిమాండ్ చేస్తూ నిరాహార దీక్ష చేస్తున్నారు. అయితే ప్రభుత్వం ఇప్పటికే కళాశాలల యాజమాన్యాలతో చర్చించి రీయింబర్స్‌మెంట్స్‌పై ఆయన దీక్షకు అతీతంగా చర్యలు తీసుకున్నది. దీంతో ప్రభుత్వం ఆయన దీక్షను బేఖాతరు చేస్తోంది. జగన్ వర్గం మాజీ ఎమ్మెల్యే అంబటి రాంబాబు కూడా ప్రభుత్వం జగన్‌ను పట్టించుకోవడం లేదని రెండు రోజులు క్రితం దీక్షా శిబిరం వద్ద ఆరోపించారు.

Published On February 24, 2011