• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెలంగాణకు మద్దతుగా సమైక్యాంధ్రుల దీక్ష, ప్రారంభించిన కోదండరామ్

By Srinivas
|
Google Oneindia TeluguNews
Kodandaram
హైదరాబాద్: 1969లో వచ్చిన ఆంధ్రా గో బ్యాక్ నినాదం సరికాదని తెలంగాణ రాజకీయ జాయింట్ యాక్షన్ కమిటీ చైర్మన్ ప్రొఫెసర్ కోదండరామ్ గురువారం అన్నారు. కోదండరామ్ నగరంలోని కూకట్‌పల్లిలో సీమాంధ్రులు తెలంగాణకు మద్దతుగా చేపట్టిన దీక్ష ఆయన ప్రారంభించారు. ఈ సందర్భంగా ఆయన మాట్లాడుతూ ఆంధ్రా గో బ్యాక్ సరియైన నినాదం కాదన్నారు. ఆంధ్రా ప్రజలకు తెలంగాణ ఎప్పుడూ వ్యతిరేకం కాదన్నారు. కేవలం ఆంధ్ర ప్రదేశ్, ముఖ్యంగా తెలంగాణ వనరులు కొల్లగొడుతున్న కొందరు వలసవాదులకు మాత్రమే మేం వ్యతిరేకం అన్నారు. రాష్ట్రం విడిపోయినంత మాత్రాన తెలంగాణలో బతుకుతున్న సీమాంధ్రులు అక్కడికి వెళ్లవలసిన అవసరం లేదన్నారు. వారూ ఇక్కడే ఉండారని చెప్పారు.

వారికి కావాల్సిన రక్షణ మేం కల్పిస్తామని అన్నారు. తెలంగాణ రాష్ట్రంగా ఏర్పడితే సీమాంధ్రనుండి వచ్చి ఇక్కడ బతుకుతున్న వారి సమస్యలను చర్చించడానికి మేం సిద్ధం అని ప్రకటించారు. కొంతమంది రాజకీయ నాయకులు తమ తమ ఆస్తులను కాపాడుకోవడానికే సమైక్యాంధ్ర నినాదం ఎత్తుకున్నారన్నారు. సీమాంధ్రులు కూడా చాలామంది తెలంగాణకు వ్యతిరేకంగా ఏమీ లేరని చెప్పారు. కాగా తెలంగాణ వచ్చాక కూడా తాము ఇక్కడే ఉంటామని దీక్ష చేపట్టిన సీమాంధ్రులు అన్నారు. మేం సీమాంధ్రులమే కానీ, సమైక్యవాదులం మాత్రం కాదని తేల్చి చెప్పారు.

English summary
Telangana political JAC chairman Pro.Kodandaram opposed Andhra go back slogan which was in 1969. He said Andhra will gain if state will separated. He demanded central government to propose Telangana bill in parliament.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X