• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్ జగన్ టార్గెట్, కాంగ్రెసుతో చంద్రబాబు కుమ్మక్కు: సాక్షి డైలీ

By Pratap
|

Sakshi
హైదరాబాద్: తమపై తీవ్ర ఆరోపణలు చేసిన తెలుగుదేశం అధ్యక్షుడు నారా చంద్రబాబునాయుడిపై మాజీ పార్లమెంటు సభ్యుడు వైయస్ జగన్‌కు చెందిన సాక్షి డైలీ నిప్పులు చెరిగింది. సాక్షి అంటే అంత అక్కసెందుకు బాబూ అనే శీర్షిక కింద ఈ మేరకు మంగళవారం ఓ వార్తాకథనాన్ని ప్రచురించింది. జగన్‌కు లభిస్తున్న ప్రజాదరణ, అభిమానాలను చూసి సహించలేక కక్ష సాధింపు చర్యలకు కొన్ని శక్తులు పూనుకున్నాయని, అందులో భాగంగానే తమపై ఆరోపణలు చేస్తున్నారని సాక్షి దినపత్రిక వ్యాఖ్యానించింది. అధికార కాంగ్రెసు పార్టీకి లోపాయికారీగా చంద్రబాబు సహకారం అందించడం రాజకీయ కుట్రలో భాగమేనని రాజకీయ పరిశీలకులు భావిస్తున్నారంటూ విమర్శించింది.

చంద్రబాబు నిత్యం ఏదో సందర్భంలో సాక్షిపై అక్కసు వెళ్లగక్కుతూనే ఉన్నారని, ఇటీవలి కాలంలో ఆయా ప్రజా సమస్యలపై జగన్ ఆందోళనలు చేస్తున్న నేపథ్యంలో చంద్రబాబుతో పాటు అధికార పార్టీ కూడా ఆయనపై కక్ష కట్టిందని అంతా భావిస్తున్నారని వ్యాఖ్యానించింది. తమ పార్టీకి రాజీనామా చేసిన జగన్‌ను ఎలాగైనా అప్రతిష్ట పాలు చేయాలని కాంగ్రెస్ నేతలు కొందరు భావిస్తున్నారని ఆరోపించింది. అధికార, ప్రతిపక్షాలు ఒక్కటయ్యాయని, ప్రజా సమస్యలను పరిష్కరించడం పక్కనబెట్టి, జగన్‌ను జనంలో పలుచన చేయాలన్నదే లక్ష్యంగా కలిసి కృషిచేస్తున్నాయని, ఎల్లో మీడియా దుష్ర్పచారాన్ని అడ్డుకోవడమే కాకుండా ప్రజలు సాక్షిని ఆదరించడంతో తట్టుకోలేని శక్తులన్నీ ఇప్పుడు ఒక్కతాటిపైకి వచ్చాయని వ్యాఖ్యానించింది.

ఇటీవలి కాలంలో నీల్సన్ జరిపిన సర్వేలో కూడా జగన్ పట్ల ప్రజల ఆదరాభిమానాలు వ్యక్తం కావడం ఏమాత్రం రుచించని నేతలు తమ రాజకీయ అవసరాల కోసం మ్యాచ్‌ఫిక్సింగ్ చేసుకుని మరీ ఇలాంటి పనులకు ఒడిగడుతున్నారని సాక్షి డైలీ వ్యాఖ్యానించింది. ఐటీ శాఖ సాక్షికి అసెస్‌మెంట్ ఆర్డర్ ఇస్తే అదే తుది తీర్పు అయినట్టు రాద్ధాంతం చేయడం వల్ల ఒక్క టీడీపీకే కాదు కాంగ్రెస్ కూడా రాజకీయ ప్రయోజనాన్నే కోరుకుంటోందని అర్థమవుతోందని అభిప్రాయపడింది. నిజానికి పెట్టుబడులకు సంబంధించి ఆదాయం పన్ను శాఖ జారీ చేసిన నోటీసులకు సాక్షి సమాధానం ఇచ్చిందని, కొన్ని పత్రికలు పనిగట్టుకుని చేస్తున్న ప్రచారం ఆధారంగా నోటీసులు జారీ చేశారన్న విషయం కూడా సాక్షి తన సమాధానంలో స్పష్టంగా పేర్కొందని సాక్షి డైలీ స్పష్టం చేసింది.

English summary
Sakshi daily attacked TDP president Chandrababu Naidu for making allegations against it. According to Sakshi daily report- Collusion with Congress party Chandrababu is targeting ex MP YS Jagan.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X