తెలంగాణ మిలియన్ మార్చ్ వాయిదా: 12 లేదా 13 ఖరారు?

హైదరాబాద్: మార్చి 10వ తేదిన తెలంగాణ జాయింట్ యాక్షన్ కమిటీ నిర్వహించ తలపెట్టిన మిలియన్ మార్చ్‌ని వాయిదా పడే అవకాశాలు కనిపిస్తున్నాయి. మిలియన్ మార్చ్‌ని వాయిదా విషయంపై తెలంగాణ జెఏసి తీవ్రంగా చర్చలు సాగిస్తున్నట్టుగా తెలుస్తోంది. మార్చ్ తలపెట్టిన 10వ తేదిన ఇంటర్మీడియేట్ ఇంగ్లీష్ పేపర్ -2 పరీక్ష ఉన్న విషయం తెలిసిందే. ఈ పరీక్షను వాయిదా వేయాలని కూడా తెలంగాణ జెఏసి బోర్డును కోరింది. లక్షలాది మంది విద్యార్థుల భవిష్యత్తు దృష్ట్యా బోర్డు వాయిదాకు సిద్ధపడింది. అయితే అదే రోజు కేంద్రానికి సంబంధించిన సిబిఎస్‌ఇ పరీక్షలు కూడా ఉండటంతో తెలంగాణ జెఏసి పునరాలోచనలో పడింది.

దీనిపై తీవ్రంగా చర్చిస్తున్నట్లుగా తెలుస్తోంది. మిలియన్ మార్చ్‌ని మార్చి 12వ తేదికి గానీ, 13వ తేదికి గానీ వాయిదా వేసుకునేందుకు నిర్ణయించుకునే అవకాశాలు ఉన్నట్లుగా తెలుస్తోంది. కాగా లక్షలాది విద్యార్థుల భవిష్యత్తు దృష్ట్యా మిలియన్ మార్చ్‌ను వాయిదా వేయాలని భారతీయ జనతా పార్టీ ముందునుండి కోరుతున్న విషయం తెలిసిందే. జెఏసి కోరికను బిజెపి సున్నితంగా తిరస్కరించడంతో టిఆర్ఎస్ అధ్యక్షుడు కె చంద్రశేఖరరావు మిలియన్ మార్చ్ దృష్ట్యా పరీక్షలు వాయిదా వేయించుదామని బిజెపి అధ్యక్షుడు కిషన్ రెడ్డికి నచ్చజెప్పడంతో బిజెపి కూడా పాల్గొనడానికి సిద్ధపడింది. అయితే సిబిఎస్ఇ పరీక్షల దృష్ట్యా వాయిదా పడే అవకాశాలు మాత్రం కనిపిస్తున్నాయి.

English summary

Telangana million march may postponed, by CBSE and Intermediate exams on march 10th. Telangana Political JAC was not gave any statement on postpone.