• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సీన్ రివర్స్: తెలుగుదేశం సమైక్యాంధ్ర రభస, శాసనసభ వాయిదా

By Pratap
|

Assembly
హైదరాబాద్‌: శాసనసభలో గురువారం సీన్ రివర్స్ అయింది. ఇప్పటి వరకు తెలంగాణ నినాదాలతో అట్టుడికిన శాసనసభ గురువారం సమైక్యాంధ్ర నినాదాలతో మారుమోగింది. తెలుగుదేశం పార్టీ సభ్యులు సమైక్యాంధ్ర నినాదాలు చేస్తూ సభా కార్యక్రమాలను అడ్డుకున్నారు. సభా కార్యక్రమాలు స్తంభించడంతో ఉప సభాపతి నాదెండ్ల మనోహర్ సభను అరగంట పాటు వాయిదా వేశారు. ప్రతిపక్షాలు ఇచ్చిన వాయిదా తీర్మానాలను మనోహర్ తిరస్కరించారు. అయితే, సమైక్యాంధ్ర నినాదంతో తెలుగుదేశం సీమాంధ్ర సభ్యులు ఆందోళనకు దిగారు. శాసనసభా వ్యవహారాల మంత్రి శ్రీధర్ బాబు, డిప్యూటీ స్పీకర్ నాదెండ్ల మనోహర్ ఎంతగా చెప్పినా వారు వినలేదు.

శాసనసభా సమావేశాలను తెలంగాణ రాష్ట్ర సమితి (తెరాస) సభ్యులు, కాంగ్రెసు, తెలుగుదేశం పార్టీల తెలంగాణ ప్రాంత సభ్యులు బహిష్కరించాలని నిర్ణయం తీసుకున్నారు. దీంతో వారు గురువారం సభకు రాలేదు. కాంగ్రెసు సీమాంధ్ర సభ్యులు నామమాత్రంగా హాజరయ్యారు. తెలుగుదేశం సీమాంధ్ర సభ్యులు 30 మంది దాకా వచ్చారు. దీంతో సభ బోసిపోయినట్లుగా కనిపించింది. కాగా, సిపిఐ సభ్యులు మాత్రం తెలంగాణ నినాదాలు చేశారు. తెలంగాణ తీర్మానం ప్రతిపాదించాలని వారు డిమాండ్ చేశారు.

English summary
Assembly adjourned for half an hour as proceedings stalled by TDP Seemandhra MLAs on united Andhra issue. TDP Seemandhra MLAs started giving united andhra slogans, Assembly proceeding stalled.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X