సీమాంధ్ర టిడిపి ఎమ్మెల్యేలపై చంద్రబాబుకు ఫిర్యాదు: ఎర్రబెల్లి

హైదరాబాద్: శాసనసభలో సీమాంధ్ర తెలుగుదేశం పార్టీ శాసనసభ్యులు సమైక్యాంధ్ర ప్లకార్డులు ప్రదర్శించడాన్ని తెలంగాణ టిడిపి ఎమ్మెల్యే ఎర్రబెల్లి దయాకరరావు తప్పుబట్టారు. వారి చర్యలు సరి కాదన్నారు. వారి చర్యలతో పార్టీ అధినేత చంద్రబాబు ఆవేదన చెందుతున్నారన్నారు. సీమాంధ్ర ఎమ్మెల్యేల తీరుపై చంద్రబాబుకు ఫిర్యాదు చేస్తామని చెప్పారు. కాగా చంద్రబాబుతో నాగం ఆధ్వర్యంలో తెలంగాణ ఎమ్మెల్యేలు చంద్రబాబుతో భేటీ అయ్యారు. ఈ భేటీలో వారు సీమాంధ్ర ఎమ్మెల్యేలపై ఫిర్యాదు చేశారు.

రాష్ట్రం సమైక్యంగానే ఉండాలని సీమాంధ్ర ప్రజాప్రతినిధులు గట్టిగా కోరుకుంటున్నారని రాష్ట్ర మంత్రి శైలజానాథ్ శుక్రవారం మీడియా ప్రతినిధులతో చెప్పారు. రాష్ట్రాన్ని సమైక్యంగా ఉంచడానికి మా ప్రయత్నాలు మేం చేస్తున్నామని చెప్పారు. ఇకముందు కూడా సమైక్యాంధ్ర కోసం కృషి చేస్తామని చెప్పారు. తెలంగాణ అంశంపై కేంద్రం నియమించిన శ్రీకృష్ణ కమిటీ సైతం రాష్ట్రాన్ని సమైక్యంగానే ఉంచాలనే దానికే మొదటి ప్రాతినిధ్యం ఇచ్చిందని చెప్పారు. కేంద్రం తెలంగాణ సమస్యపై పరిష్కార మార్గాలు ఆలోచిస్తుందని చెప్పారు.