చరిత్రహీనులు కాకండి, నాగంకు నా మద్దతు: పోచారం

హైదరాబాద్: అసెంబ్లీలో తెలంగాణకు అనుకూలంగా ప్లకార్డు చూపించి తెలంగాణపై సభను అడ్డుకున్న తెలుగుదేశం పార్టీ సీనియర్ శాసనసభ్యుడు నాగం జనార్ధన్ రెడ్డి తీరును తాను ఆహ్వానిస్తున్నట్టు ఇటీవలె టిడిపిని వీడుతున్నట్టు ప్రకటించిన ఎమ్మెల్యే పోచారం శ్రీనివాసరెడ్డి సోమవారం అన్నారు. తెలంగాణ కోసం నాగం తీరు హర్షదాయకమన్నారు. టిడిపిలో ఉన్న మిగిలిన తెలంగాణ ఎమ్మెల్యేలు కూడా తెలంగాణ కోసం పోరాటం చేయాలని ఆయన సూచించారు. తెలంగాణ ఇస్తామని చెప్పి గత ఎన్నికల్లో ఓటు వేయించుకొని ఇప్పుడు మాట మార్చడం సరికాదన్నారు. తెలంగాణ కోసం పోరాటం చేయకుంటే ద్రోహులుగా మిగలక తప్పదన్నారు.

తెలంగాణకు టిడిపి కట్టుబడి ఉంది అంటేనే ప్రజలు ఓటు వేశారని చెప్పారు. సుమారు 600 మంది విద్యార్థులు తెలంగాణ కోసం తమ ప్రాణాలు కోల్పోయారన్నారు. 4 కోట్ల మంది ప్రజల ఆకాంక్ష తెలంగాణ అన్నారు. తెలంగాణ ఇస్తానని టిడిపితో సహా అన్ని పార్టీలు నాడు హామీ ఇచ్చాయని చెప్పారు. ప్రజలు మనల్ని ఎందుకు గెలిపించారో ప్రజా ప్రతినిధులు గుర్తుంచుకోవాలన్నారు. 56 సంవత్సరాలుగా తెలంగాణ అన్యాయమైపోతుందన్నారు.

English summary

MLA Pocharam Srinivasa Reddy supported TDP senior MLA Nagam Janardhan Reddy attitude in assembly for Telangana today. He suggest remaining TDP MLAs to fight for Telangana.