• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

పార్లమెంటు ఆవరణలో కాంగ్రెసు తెలంగాణ ఎంపీల ధర్నా

By Pratap
|

Congress
న్యూఢిల్లీ: తెలంగాణ రాష్ట్ర ఏర్పాటుకు డిమాండ్ చేస్తూ కాంగ్రెసు తెలంగాణ పార్లమెంటు సభ్యులు మంగళవారం పార్లమెంటు ఆవరణలోని గాంధీ విగ్రహం వద్ద ధర్నా చేశారు. జై తెలంగాణ నినాదాలు చేశారు. పార్లమెంటు సమావేశాలను ఆటంకపరచవద్దని కేంద్ర మంత్రి ప్రణభ్ ముఖర్జీ సూచించడంతో వారు సమావేశాలకు గైర్హాజరై ధర్నాకు దిగారు. కాంగ్రెసుకు చెందిన 15 మంది తెలంగాణ ప్రాంత పార్లమెంటు సభ్యులు సమావేశాలను బహిష్కరించి ధర్నాకు దిగారు. మార్చి 1వ తేదీ తర్వాత చర్చలు చేస్తామని చెప్పి ఇప్పుడు మాట్లాడడం లేదని వారు విమర్శించారు.

తెలంగాణ అంశంపై నాన్చుడు ధోరణి కూడదని వారంటున్నారు. కాలయాపన చేస్తే తమ ఆందోళనను ఉధృతం చేస్తామని వారు చెప్పారు. ఈ నెల 10వ తేదీన తలపెట్టిన మిలియన్ మార్చ్ టు హైదరాబాదుకు వారు మద్దతు ప్రకటించారు. తెలంగాణ ఉద్యమాన్ని శాంతిభద్రతల సమస్యగానే చూస్తుండడాన్ని పార్లమెంటు సభ్యుడు మధు యాష్కీ తప్పు పట్టారు. తెలంగాణ ఉద్యమంపై కేంద్ర ప్రభుత్వానికి తప్పుడు నివేదికలు పంపుతున్నారని ఆయన విమర్శించారు. పార్లమెంటు సమావేశాలు ముగిసే వరకు తమ ధర్నా కార్యక్రమాలు కొనసాగుతాయని ఆయన చెప్పారు. తెలంగాణను అడ్డుకోవడానికి సీమాంధ్ర పార్లమెంటు సభ్యులు కుట్ర చేస్తున్నారని, శ్రీకృష్ణ కమిటీలో తమకు అనుకూలంగా ఉన్న అంశాలతో కరపత్రాలు పంచి పెడుతున్నారని ఆయన అన్నారు.

English summary
Congress Telangana MPs staged dharna at Gandhi statue in Parliament premises. They decided to continue their programme till Parliament session ends. They demanded Union Government make clear statement on Telangana.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X