హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

నాగం జనార్దన్ రెడ్డి మెత్తబడ్డారా?, చంద్రబాబుతో సమావేశం

By Pratap
|
Google Oneindia TeluguNews

Nagam Janardhan Reddy
హైదరాబాద్: తమ పార్టీ అధ్యక్షుడు నారా చంద్రబాబు నాయుడిపై ధిక్కార స్వరం వినిపించిన తెలంగాణ ఫోరం కన్వీనర్ నాగం జనార్దన్ రెడ్డి మెత్తబడినట్లు కనిపిస్తున్నారు. మంగళవారం ఉదయం ఆయన తమ పార్టీ అధ్యక్షుడు నారా చంద్రబాబు నాయుడితో శాసనసభ ఆవరణలో భేటీ అయ్యారు. దీంతో ఇరువురి మధ్య సయోధ్య కుదిరినట్లు భావిస్తున్నారు. సోమవారం సాయంత్రం చంద్రబాబు నాయుడు తెలంగాణ ప్రాంత శాసనసభ్యులతో సమావేశమై నాగం జనార్దన్ రెడ్డి వ్యవహారంపై చర్చించారు. ఆ తర్వాత రాయబారాలు నడిచాయి. తెలంగాణ శాసనసభ్యుల ప్రతినిధులు నాగం జనార్దన్ రెడ్డితో సమావేశమై మూడు గంటల పాటు చర్చించారు.

తెలంగాణ ఎమ్మెల్యేల భేటీలో తీసుకున్న నిర్ణయం మేరకు వేణుగోపాలాచారి, తుమ్మల నాగేశ్వరరావు, రేవూరి ప్రకాశ్ రెడ్డి, జైపాల్ యాదవ్, మహేందర్ రెడ్డి సోమవారం రాత్రి నాగం ఇంటికి వెళ్లారు. సుమారు 3 గంటలపాటు ఆయనతో చర్చించారు. తనకు పార్టీని వీడే ఉద్దేశం లేదని నాగం వారితో చెప్పినట్లు తెలుస్తోంది. మిగిలిన పార్టీల ఎమ్మెల్యేలు ఎవరూ సభకు హాజరు కాకుండా ఒక్క టీడీపీ ఎమ్మెల్యేలు మాత్రమే హాజరైతే ప్రజలకు తప్పుడు సంకేతాలు వెళతాయన్న అభిప్రాయంతోనే తాను సభను స్తంభింపజేశానని చెప్పారు. అయితే, చంద్రబాబు సభలో ఉండగా అలా వ్యవహరించడం బాధ కలిగించిందని వారు నాగం జనార్దన్ రెడ్డితో చెప్పినట్లు సమాచారం.

శాసనసభా సమావేశాలను ఈ నెల 10వ తేదీన జరిగే మిలియన్ మార్చ్ ముగిసే వరకు బహిష్కరించాలని తెలుగుదేశం తెలంగాణ ప్రాంత శాసనసభ్యులు నిర్ణయించుకున్నారు. దీంతో మంగళవారం వారు శాసనసభకు హాజరు కాలేదు. మిలియన్ మార్చ్‌పై కూడా చర్చించి నిర్ణయం తీసుకోవాలని వారు భావిస్తున్నారు. అవసరమైతే కాంగ్రెసు తెలంగాణ ప్రాంత శాసనసభ్యులు సభకు హాజరయ్యేంత వరకు తాము కూడా సభకు దూరంగానే ఉండాలని వారు నిర్ణయించుకున్నారు.

English summary
Patch efforts between TDP Telangana forum convenor Nagam Janardhan Reddy and party president N Chandrababu Naidu yielded results. Nagam Janardhan Reddy met Chandrababu today and clarified about his act in assembly.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X