• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

రెచ్చగొట్టే ప్రయత్నాలు వద్దు: అరెస్టులపై ఈటెల ధ్వజం

By Srinivas
|
Google Oneindia TeluguNews
Etela Rajender
హైదరాబాద్: రాష్ట్ర ప్రభుత్వం తెలంగాణ ఐక్య కార్యాచరణ సమితి ఆధ్వర్యంలో మార్చి 10వ తేదిన నిర్వహించనున్న మిలియన్ మార్చ్‌ను అడ్డుకోవడానికి తీవ్ర ప్రయత్నాలు చేస్తోందని తెలంగాణ రాష్ట్ర సమితి శాసనసభా పక్షనేత ఈటెల రాజేందర్ బుధవారం విలేకరులతో మాట్లాడుతూ చెప్పారు. మార్చ్‌ను అడ్డుకోవడానికి ప్రభుత్వం తెలంగాణవాదులను ముందస్తు అరెస్టులు చేస్తుందని ఆరోపించారు. ప్రభుత్వం అరెస్టులు వెంటనే మానుకోవాలని, అరెస్టు చేసిన వారిని విడుదల చేయాలని ఆయన డిమాండ్ చేశారు. మిలియన్ మార్చ్‌ను మేం శాంతియుతంగా నిర్వహించ దలిచామని చెప్పారు. కానీ ప్రభుత్వమే రెచ్చగొట్టే విధంగా ప్రవర్తిస్తోందన్నారు. రెచ్చగొట్టే ప్రయత్నాలు చేస్తున్న ప్రభుత్వం తదనంతర పరిణామాలకు బాధ్యత వహించాల్సి ఉంటుందని హెచ్చరించారు.

శాంతియుతంగా మార్చ్ చేస్తామంటే హైదరాబాద్ మొత్తం 144వ సెక్షన్ అంటూ బెదిరింపులకు పాల్పడుతోందన్నారు. నాలుగు కోట్ల ప్రజలు ముక్తకంఠంతో అడుగుతున్న తెలంగాణ కోసం ప్రజలే శాంతియుతంగా మార్చ్ చేసుకోవాలనుకున్నప్పుడు ప్రభుత్వం ఎందుకు అడ్డు చెబుతోందన్నారు. ఈ విషయమై ఇప్పటికే హోంమంత్రి దృష్టికి తీసుకు వెళ్లామని ఆమె సానుకూలంగా స్పందించారని చెప్పారు. అయితే మరోసారి సబితారెడ్డి దృష్టికి ఈ విషయాన్ని తీసుకు వెళతామని అన్నారు. మిలియన్ మార్చ్ ఎట్టి పరిస్థితుల్లో మార్పు చేసే ప్రసక్తి లేదన్నారు. విద్యార్థుల సౌకర్యార్థమై మార్చ్‌ను మధ్యాహ్నానికి వాయిదా వేసినట్టు చెప్పారు.

కాగా మార్చి 10వ తేదిన జరగనున్న మిలియన్ మార్చ్‌లో తెలంగాణ ప్రజలంతా ఏకమై పాల్గొనాలని తెలంగాణ ప్రజా ఫ్రంట్ నేత, ప్రజా గాయకుడు గద్దర్ కోరారు. బుధవారం ఆయన హైదరాబాద్‌ పరిసర ప్రాంతాల్లో పర్యటించి తెలంగాణపై, ఉద్యమంపై అవగాహన సదస్సులు నిర్వహించారు.

English summary
TRSLP Etela Rajender condemned today Telanganites arrests. He accused that government arresting to stop million march. He warned government do not provocate Telanganites. TPF chairman Gaddar urged Telangana people to support million march.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X