తెలంగాణ తల్లి విగ్రహాన్ని కాల్చింది టిఆర్ఎస్సే: ఎస్పీ

మెదక్: మెదక్ జిల్లాలో నాలుగు రోజుల క్రితం తెలంగాణ తల్లి విగ్రహం కూల్చివేత ఉద్రిక్త పరిస్థితులకు దారి తీసిన విషయం తెలిసిందే. అయితే దుస్సంఘటనకు తెలంగాణ రాష్ట్ర సమితి పార్టీకి చెందిన కార్యకర్తలే ఒడిగట్టారని మెదక్ జిల్లా ఎస్పీ దాస్ చెప్పారు. మెదక్ జిల్లాలోని హత్నూర్ మండలం దౌల్తాబాద్‌లో నాలుగు రోజుల క్రితం తెలంగాణ తల్లి విగ్రహాన్ని తగులబెట్టారు. దీనిపై కేసు నమోదు చేసుకున్న పోలీసులు నేరస్తులను పట్టుకున్నారు. వారు టిఆర్ఎస్ పార్టీకి చెందిన వారే కావడం విశేషం.

అయితే విగ్రహాన్ని ధ్వంసం చేసినప్పుడు పలువురు తెలంగాణ వాదులు కాంగ్రెస్‌ నేతలపై ఆరోపణలు గుప్పించారు. కాంగ్రెస్ నేతలు కూడా టిడిపి రెబల్ ఎమ్మెల్యే పోచారం శ్రీనివాస్ రెడ్డి తదితరులపై ఆరోపణలు గుప్పించారు. అయితే పోలీసులు మాత్రం 36 గంటలలోనే వారిని పట్టుకున్నట్టు దాస్ చెప్పారు. విగ్రహం ధ్వంసం చేసిన చోట పెట్టిన లేఖలోని దస్తూరిని బట్టి నిందితులను పట్టుకున్నట్టు చెప్పారు.

English summary

Medak SP Dass said today that TRS followers were attack on Telangana Talli statue four days before. Unknown people were destroyed Telangana Talli statue in Medak distict. Some were accused congress but it confirmed TRS followers by district SP.