పట్టపగలే దోపిడీ: ఎల్బీ నగర్‌లో 10 తులాల బంగారం దొంగతనం

By Srinivas

Published: Wednesday, March 16, 2011, 15:28 [IST]

హైదరాబాద్: రాష్ట్ర రాజధాని హైదరాబాద్‌లో పట్టపగలే దొంగతనం జరిగింది. బుధవారం ఉదయం సమయాన కొందరు దొంగలు ఎల్బీనగర్‌లోని సాగర్ ఎన్‌క్లేవ్‌లో ఈ దొంగతనానికి పాల్పడ్డారు. సాగర్ ఎన్‌క్లేవ్‌లో రామలింగమ్మ అనే వృద్ధురాలు ఒంటరిగా ఉన్న సమయంలో దొంగతనం జరిగింది. ఆమె కొడుకు, కోడలు ఇద్దరూ ఉద్యోగం చేస్తారు. దీంతో వారు ఉదయాన్నే ఆఫీసులకు వెళ్లిపోయారు.

గుర్తు తెలియని వ్యక్తి ఒకరు వచ్చి ఆ వృద్ధురాలిని మంచినీళ్లు అడిగాడు. ఆమెను లోనికి తీసుకు వెళ్లి అరవకుండా నోటికి ప్లాస్టర్ వేసి ఆమెను కట్టివేశాడు. అనంతరం ఆమెపై ఉన్న బంగారంతో పాటు 10 తులాల బంగారాన్ని, అలమారలో ఉన్న మూడువేల రూపాయలను దోచుకొని వెళ్లాడు. పోలీసులు కేసు నమోదు చేసుకొని దర్యాఫ్తు చేస్తున్నారు. ఇది తెలిసిన వారి పనే అయి ఉంటుందని వారు భావిస్తున్నారు.

Published On March 16, 2011